កីឡា
កីឡាការិនី Cheptegei បាត់បង់ជីវិតក្រោយអតីតមិត្តប្រុសដុតសម្លាប់
កីឡាការិនីរត់ចម្ងាយឆ្ងាយជនជាតិអ៊ូហ្គង់ដា Rebecca Cheptegei ដែលបានប្រកួតកីឡាអូឡាំពិក នៅទីក្រុងប៉ារីស ប្រទេសបារាំង កាលពីខែមុន បានបាត់បង់ជីវិត បន្ទាប់ពីត្រូវបានអតីតមិត្តប្រុសដុតសម្លាប់នៅផ្ទះរបស់នាង។
សហព័ន្ធអត្តពលកម្មអ៊ូហ្គង់ដាបានបង្ហោះនៅលើប្រព័ន្ធផ្សព្វផ្សាយសង្គម X ៖«យើងមានសេចក្តីសោកស្ដាយយ៉ាងខ្លាំងក្នុងការប្រកាសពីការស្លាប់របស់អត្តពលិករបស់យើង Rebecca Cheptegei នៅព្រឹកនេះ ដែលបានធ្លាក់ខ្លួនជាជនរងគ្រោះដោយអំពើហិង្សាក្នុងគ្រួសារ។ ក្នុងនាមសហព័ន្ធ យើងថ្កោលទោសចំពោះទង្វើបែបនេះ និងអំពាវនាវរកយុត្តិធម៌។ សូមវិញ្ញាណក្ខន្ធនាង បានទៅកាន់សុគតិភព»។
ការវាយប្រហារដែលនាំទៅដល់ការស្លាប់របស់កីឡាការិនី Cheptegei បានកើតឡើងប៉ុន្មានថ្ងៃ បន្ទាប់ពីនាងត្រលប់មកពីកីឡាអូឡាំពិកទីក្រុងប៉ារីស ឆ្នាំ២០២៤ ជាកន្លែងដែលនាងបានបញ្ចប់ក្នុងចំណាត់ថ្នាក់ទី៤៤ ក្នុងការរត់ម៉ារ៉ាតុងរបស់ស្ត្រី។ សារព័ត៌មាន CNN បានរាយការណ៍ថា នារីវ័យ៣៣ឆ្នាំរូបនេះ បានរងការឆេះយ៉ាងធ្ងន់ធ្ងរលើរាងកាយ៧៥% បន្ទាប់ពីមិត្តប្រុសរបស់នាងបានចាក់សាំង និងដុតនាងនៅផ្ទះរបស់នាងក្នុងសង្កាត់ Trans Nzoia ភាគពាយ័ព្យនៃប្រទេសកេនយ៉ា។
ប៉ូលីសក្នុងសង្កាត់ Trans Nzoia បាននិយាយថា មូលហេតុនៃឧក្រិដ្ឋកម្មនេះ បណ្តាលមកពីជម្លោះដីធ្លីរវាង Cheptegei និងអតីតមិត្តប្រុស។ កីឡាការិនីមកពីប្រទេសអ៊ូហ្គង់ដា ប៉ុន្តែបានទិញដីមួយកន្លែងនៅក្នុងសង្កាត់ Trans Nzoia ជិតព្រំដែនជាមួយប្រទេសកំណើតរបស់នាង ដើម្បីបង្កភាពងាយស្រួលក្នុងការហ្វឹកហាត់របស់នាងនៅក្នុងប្រទេសកេនយ៉ា។ នាងបានសង់ផ្ទះមួយនៅលើដីនោះ ហើយរស់នៅជាមួយកូន២នាក់របស់នាង។
លោកវេជ្ជបណ្ឌិត Owen Menach ប្រធានមន្ទីរពេទ្យ Moi Teaching and Referral បាននិយាយថា Cheptegei បានស្លាប់ បន្ទាប់ពីសរីរាង្គទាំងអស់របស់នាងត្រូវបានខូចខាត។ នាងជាអត្តពលិកស្ត្រីរងគ្រោះទី៣ដែលត្រូវបានសម្លាប់នៅអាហ្វ្រិកខាងកើតក្នុងរយៈពេល៣ឆ្នាំចុងក្រោយ។ កាលពីឆ្នាំ២០២១ អ្នករត់ប្រណាំងជនជាតិកេនយ៉ាឈ្មោះ Agnes Tirop ត្រូវបានគេរកឃើញថាបានស្លាប់ដោយមានស្នាមចាក់ជាច្រើនកន្លែង។ នៅឆ្នាំ២០២២ អ្នករត់ប្រណាំងជនជាតិកេនយ៉ា Damaris Mutua ត្រូវបានសម្លាប់។
អំពើហឹង្សាលើស្ត្រីគឺជាបញ្ហាធ្ងន់ធ្ងរនៅក្នុងប្រទេសកេនយ៉ា។ យោងតាមការស្ទង់មតិថ្នាក់ជាតិ យ៉ាងហោចណាស់៣៤% នៃស្ត្រីបានរាយការណ៍ថាបានទទួលរងការរំលោភបំពានលើរាងកាយក្នុងឆ្នាំ២០២២។
ប្រែសម្រួល៖ ផា រតនា
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៧ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៥ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ