កីឡា
ដើម្បីអ្នកគាំទ្រ រិន ដេវីដ ប្តេជ្ញាវ៉ៃអស់ពីលទ្ធភាពប៉ះ ពេជ្រ សម្បត្តិ ថ្ងៃសៅរ៍នេះ
ការប៉ះគ្នារវាងជើងខ្លាំងគុនខ្មែរលំដាប់ A ក្របីព្រៃ ពេជ្រ សម្បត្តិ និង រិន ដេវីដ នៅថ្ងៃសៅរ៍ ទី១៤ ខែកញ្ញា ឆ្នាំ២០២៤ ដើម្បីដណ្តើមខ្សែក្រវាត់ បានក្លាយជាជំនួបធំប្រចាំសប្តាហ៍គួរឲ្យចាប់អារម្មណ៍បំផុតសម្រាប់អ្នកគាំទ្រ។
រិន ដេវីដ ទើបតែប្រកួតឈ្នះពិន្ទុដៃគូបរទេសកាលពីថ្ងៃសៅរ៍ ទី៧ ខែកញ្ញា ប៉ុន្តែនៅពេលនោះរូបគេមានការប្រុងប្រយ័ត្នខ្លាំងមែនទែន។ រូបគេបានវ៉ៃតាមបច្ចេកទេសមួយៗដើម្បីទទួលបានជ័យជម្នះដោយពិន្ទុ។ ក្រោយចប់ការប្រកួត រូបគេបាននិយាយថា ការប្រកួតនេះបញ្ចេញអស់ពីសមត្ថភាព ប៉ុន្តែតាមបច្ចេកទេស ពីព្រោះត្រូវរក្សាខ្លួនឲ្យបានល្អដើម្បីប្រកួតជាមួយ ពេជ្រ សម្បត្តិ។
នៅពេលសួរថា តើត្រៀមខ្លួនយ៉ាងណាដើម្បីប្រកួតជាមួយ ពេជ្រ សម្បតិ? រិន ដេវីដ បានឆ្លើយថា ៖«ពេជ្រ សម្បត្តិ ជាកីឡាករល្អស៊ុហ្វ រឹងមាំ វ៉ៃមិនស្រុតកម្លាំង។ អីចឹងហើយខ្ញុំបានសម្រុកហ្វឹកហាត់កាយសម្បទាច្រើន បុកកម្លាំងស៊ុហ្វឲ្យខ្លាំង»។
នៅពេលជាមួយគ្នានេះ រិន ដេវីដ ក៏ទទួលស្គាល់ពីលទ្ធភាពអាចនឹងមិនចប់ទឹក។ ប្រសិនបើកីឡាករណាម្នាក់ធ្វេសប្រហែសគឺមិនចប់ទឹកដូចអ្នកវិភាគមួយចំនួនបានលើកឡើង។
កីឡាករបាននិយាយថា ៖«សម្រាប់ការតាំងចិត្ត និងប្រឹងហ្វឹកហាត់គឺ១០០%ហើយ។ ជាក់ស្តែងនៅលើសង្វៀន ខ្ញុំនឹងប្រឹងឲ្យអស់ពីសមត្ថភាពដើម្បីបំពេញចិត្តអ្នកគាំទ្រ មហាជនដែលកំពុងរង់ចាំមើលច្រើន។ លទ្ធផលនៅលើសង្វៀនមើលអត់ឃើញទេ បើភ្លាត់ ឬធ្វេសប្រហែសគឺមានអ្នកសន្លប់ពាក់កណ្តាលទី»។
ការប្រកួតនេះប្រើហ្គង់ដៃចេញម្រាម (MMA) និងប្រើពេល៥ទឹកដែលបានធ្វើឲ្យមានការវិភាគវែកញែកច្រើនណាស់ពីអ្នកជំនាញគុនខ្មែរ និងមហាជន។ កីឡាករទាំងពីរមានលក្ខណៈពិសេសរៀងៗខ្លួន។ ភាពខ្លាំងរបស់ ពេជ្រ សម្បត្តិ គឺភាពស៊ូធន់ កម្របាក់ស្រុត និងមានកណ្តាប់ដៃល្អ ខណៈ រិន ដេវីដ ជាប្រភេទកីឡាករបច្ចេកទេសទាំងកណ្តាប់ដៃ ទាត់ និងជង្គង់៕
អត្ថបទ៖ វីរបុត្រ
-
កីឡា២ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៤ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានជាតិ២២ ម៉ោង agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានអន្ដរជាតិ៧ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៥ ម៉ោង agoសេតវិមានអះអាងថា អ៊ីរ៉ង់នៅតែចង់ធ្វើកិច្ចព្រមព្រៀងជាមួយអាមេរិក ទោះកំពុងវាយគ្នាក៏ដោយ
-
ព័ត៌មានជាតិ៣ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
កីឡា១ ថ្ងៃ agoអាហ្សង់ទីន បញ្ចប់ក្តីស្រមៃ ៦០ ឆ្នាំ របស់ អង់គ្លេស ឡើងទៅវគ្គផ្តាច់ព្រ័ត្រជើងឯកពិភពលោក World Cup 2026
-
កីឡា៥ ម៉ោង agoយុវតី បឿន ស្រីឡែន ចាប់អាជីពប្រដាល់ព្រោះចង់រកចំណូលជួយដល់គ្រួសារ និងសាងកេរ្តិ៍ឈ្មោះលើវិថីកីឡាមួយនេះ