កីឡា
Pathum United មានកម្លាំងបរទេស១០នាក់មុនប៉ះព្រះខ័នរាជស្វាយរៀង ថ្ងៃស្អែក
ក្លិបតំណាងកម្ពុជា ព្រះខ័នរាជស្វាយរៀង នឹងប៉ះក្រុមខ្លាំងម្ចាស់ផ្ទះថៃ BG Pathum United វេលាម៉ោង៧យប់ ថ្ងៃទី២៥ ខែកញ្ញា ឆ្នាំ២០២៤ វគ្គសន្សំពិន្ទុក្នុងពូល A ពានរង្វាន់ ASEAN Club Championship។
Pathum United ត្រូវបានចាត់ទុកជាក្រុមខ្លាំងប្រចាំពូល A ប៉ុន្តែការប្រកួតទី១ ពួកគេរកបានត្រឹម១ពិន្ទុប៉ុណ្ណោះនៅទឹកដីឥណ្ឌូណេស៊ី បន្ទាប់ពីស្មើជាមួយក្រុម PSM Makassar។ សម្រាប់ការប្រកួតនេះ ពួកគេនឹងប្រឹងប្រែងឲ្យអស់ពីសមត្ថភាពដើម្បីរកបាន៣ពិន្ទុ ក្នុងនាមជាម្ចាស់ផ្ទះ ហើយជាក្រុមត្រូវគេមើលឃើញមានគុណភាពខ្ពស់ជាង ព្រះខ័នរាជស្វាយរៀង។
ក្រុមថៃមួយនេះសំបូរដោយកីឡាករថៃឆ្នើមៗដូចជាខ្សែប្រយុទ្ធចាស់វស្សា Teerasil Dangda និងខ្សែបម្រើដ៏ល្បីល្បាញ Chanathip Songkrasin ដែលជាអ្នកបង្កគ្រោះថ្នាក់ខ្លាំង។ ជាមួយគ្នានេះ ពួកគេមានកីឡាករបរទេសរហូតដល់ទៅ១០នាក់នៅក្នុងបញ្ជីក្នុងនោះមានទាំងខ្សែការពារ ខ្សែបម្រើ និងខ្សែប្រយុទ្ធ។
កីឡាករបរទេសទាំង១០នាក់មានដូចជា៖
- ខ្សែប្រយុទ្ធអាហ្វ្រិកខាងត្បូង Lars Veldwijk អាយុ៣ឆ្នាំ ទើបចូលរួមក្នុងឆ្នាំ២០២៤
- ខ្សែប្រយុទ្ធអ៊ូបេគីស្ថាន Igor Sergeev អាយុ៣១ឆ្នាំ ចូលរួមក្នុងឆ្នាំ២០២៣ បង្ហាញខ្លួន១៥ប្រកួត រកបាន៥គ្រាប់
- ខ្សែបម្រើកូស្តារីកា Freddy Alvarez អាយុ២៩ឆ្នាំ ចូលរួមក្នុងឆ្នាំ២០២៣ បង្ហាញខ្លួន១៩ប្រកួត រកបាន៣គ្រាប់
- ខ្សែបម្រើជប៉ុន Gakuto Notsuda អាយុ៣០ឆ្នាំ ចូលរួមក្នុងឆ្នាំ២០២៤
- ខ្សែការពារនីហ្សេរីយ៉ា Seydine N’Diaye អាយុ២៦ឆ្នា ចូលក្នុងឆ្នាំ២០២៤ លេងបាន៤ប្រកួត រកបាន១គ្រាប់
- ខ្សែប្រយទ្ធប្រេស៊ីល Raniel Vasconcelos អាយុ២៨ឆ្នាំ ចូលរួមក្នុងឆ្នាំ២០២៤ ទើបលេងបានប្រកួត
- ខ្សែការពារសេណេហ្គាល់ Christian Gomis អាយុ២៦ឆ្នាំ ចូលរួមក្នុងឆ្នាំ២០២៤
- ខ្សែប្រយុទ្ធអង់គ្លេស-អាល្លឺម៉ង់ អ៊ូហ្គង់ដា Melvyn Lorenzen អាយុ២៩ឆ្នាំ ចូលរួមក្នុង២០២៤ លេងបាន៧ប្រកួត រកបាន២គ្រាប់
- ខ្សែប្រយុទ្ធសិង្ហបុរី Ilhan Fandi អាយុ២១ឆ្នាំ ចូលរួមក្នុងឆ្នាំ២០២៤ លេងបាន២ប្រកួត
- ខ្សែប្រយុទ្ធសិង្ហបុរី Ikhsan Fandi អាយុ២៥ឆ្នាំ ចូលរួមក្នុងឆ្នាំ២០២២ លេងបាន៣៨ប្រកួត រកបាន១៩គ្រាប់
ចំណែក ព្រះខ័នរាជស្វាយរៀង មានកីឡាករបរទេសតែ៦រូបប៉ុណ្ណោះ ប៉ុន្តែក្លិបតំណាងកម្ពុជាមួយនេះរកបាន៣ពិន្ទុពីការប្រកួតបើកឆាក តាមរយៈជ័យជម្នះលើក្រុមម្ចាស់ម៉ាឡេស៊ី Terengganu ដោយលទ្ធផល ៣-២៕
អត្ថបទ៖ វីរបុត្រ
-
សន្តិសុខសង្គម១៩ ម៉ោង agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៥ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៤ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៥ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៣ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៧ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ១ សប្តាហ៍ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន