ទោះសម្រាកតិច គ្រូ Pathum រំពឹង​​ឈ្នះ​​ព្រះ​ខ័ន​រាជ​ស្វាយរៀងយប់នេះ

ក្លិប BG Pathum United FC របស់ប្រទេសថៃ ត្រូវបើកទ្វារកីឡដ្ឋាន BG Stadium ដើម្បីទទួលក្រុមភ្ញៀវព្រះខ័នរាជស្វាយរៀង វេលា​ម៉ោង​៧​យប់​នេះ ក្នុងការប្រកួតវគ្គសន្សំពិន្ទុក្នុងពូល A ពានរង្វាន់ ASEAN Club Championship ថ្ងៃទី២៥ ខែកញ្ញា ឆ្នាំ​២០២៤។

មុនជួបក្លិបព្រះខ័នរាជាស្វាយរៀង ក្លិប BG Pathum United ទើបតែយកឈ្នះក្លិប Port FC ក្នុងលទ្ធផល ២-១ ក្នុងការប្រកួតលីគកំពូលថៃ កាលពីថ្ងៃអាទិត្យទី២២ ខែកញ្ញា។ ពួកគេមានពេលសម្រាកនិងត្រៀមខ្លួនត្រឹមតែ២ថ្ងៃប៉ុណ្ណោះ ប៉ុន្តែយ៉ាង Naមិញ លោក Makoto Teguramori គ្រូបង្វឹកនៅតែរំពឹងខ្ពស់ថា ក្រុមរបស់លោក​​អាចស្វែងរក៣ពិន្ទុបាន ទោះបីមានពេលសម្រាកតែ២ថ្ងៃ។

លោក Makoto Teguramori បាននិយាយថា ៖«ពិតណាស់ ដូចអ្វីដែលអ្នកទាំងអស់គ្នាបានដឹងហើយថ្មីៗនេះ ពួកយើងបានប្រកួត​កាលពីអាទិត្យ។ ពួកយើងកំពុងមានឆន្ទៈ​ខ្ពស់ ទោះបីជា​យើងមានពេលសម្រាកត្រឹមតែ២ថ្ងៃ។ ការប្រកួតដំបូងយើងបានត្រឹមស្មើ ដូច្នេះ​ថ្ងៃនេះយើង​ត្រូវ​រកឲ្យ​បាន​៣ពិន្ទុ​ក្នុងដី​របស់​យើង»។

ក្លិបព្រះខ័នរាជស្វាយរៀង​មានពេល​វេលា​ត្រៀមខ្លួនច្រើនជាងក្លិប BG Pathum United ប៉ុន្តែផលចំណេញ BG Pathum គឺពួកគេធ្វើបានជាម្ចាស់ផ្ទះ៕

អត្ថបទ៖ ផា រតនា