កីឡា

ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី

បានផុស

២ years មុន

នៅ

ថ្ងៃចន្ទ ២១ តុលា ២០២៤

ដោយ

ព្រឹត្តិការណ៍ប្រកួតកីឡាយុទ្ធគុនចម្រុះខ្មែរបុរាណ ពានរង្វាន់សម្តេចធិបតី លើកទី១ បានបញ្ចប់ដោយជោគជ័យ បន្ទាប់ពីដំណើរការប្រកួតរយៈពេល៣ថ្ងៃគឺ១៨-១៩-២០ ខែតុលា ឆ្នាំ២០២៤ នៅវិមានពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍ប្រកួតបានរកឃើញម្ចាស់មេដាយមាស ប្រាក់ និងសំរិទ្ធ ព្រមទាំងអត្តពលិកឆ្នើម និងអាជ្ញាកណ្តាលឆ្នើមរួចហើយលើវិញ្ញាសាប្រកួតស្ម័គ្រចិត្ត អាជីព និងសម្តែង។ ពិធីបិទបញ្ចប់ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

ព្រឹត្តិការណ៍ប្រកួតយុទ្ធគុនចម្រុះខ្មែរបុរាណ លើកទី១ មានអត្តពលិកចំនួន៤៨២នាក់ (កីឡាករចំនួន៣៤៨នាក់ និងកីឡាការិនីចំនួន៧៧នាក់)។ ព្រឹទ្ធាចារ្យ៣៥នាក់ គ្រូបង្វឹកចំនួន៥៧នាក់ និងអាជ្ញាកណ្តាល ចៅក្រម មន្ត្រីបច្ចេកទេស និងគ្រូពេទ្យចំនួន១៧១នាក់។

ការប្រកួតចែកចែកជា៤ប្រភេទកីឡា ស្មើនឹង១៤វិញ្ញាសាគឺ១-ការប្រកួតស្ម័គ្រចិត្តបុរសចំនួន៤វិញ្ញាសាគឺទម្ងន់-៥០គីឡូក្រាម -៦០គីឡូក្រាម -៦៥គីឡូក្រាម និង-៧០គីឡូក្រាម។ ២-ការប្រកួតស្ម័គ្រចិត្តនារីចំនួន៤វិញ្ញាសាគឺ-៤៥គីឡូក្រាម -៥០គីឡូក្រាម -៥៥គីឡូក្រាម និង-៦០គីឡូក្រាម។ ៣-ការប្រកួតប្រយុទ្ធអាជីពបុរសចំនួន២វិញ្ញាសាគឺ -៦៧គីឡូក្រាម និង-៧៥គីឡូក្រាម និង៤-ការប្រកួតសម្តែងចំនួន៤វិញ្ញាសាគឺ ថ្វាយបង្គំគ្រូឯកត្តជន មេគុនដៃឯកត្តជន មេគុនអាវុធក្រុម៣នាក់ និងមេគុនសមយុទ្ធក្រុម៥នាក់។

ប្រាក់រង្វាន់ការប្រកួតអាជីពជ័យលាភីមេដាយមាសទទួលបាន១២លានរៀល, ជ័យលាភីមេដាយប្រាក់ ទទួលបាន៨លានរៀល និងជ័យលាភីមេដាយសំរិទ្ធទទួលបាន៤លានរៀល។ សម្រាប់ប្រាក់រង្វាន់ការប្រកួតស្ម័គ្រចិត្ត ជ័យលាភីមេដាយមាស ទទួលបាន៨លានរៀល, ជ័យលាភីមេដាយប្រាក់ទទួលបាន៦លាន និងជ័យលាភីមេដាយសំរិទ្ធទទួលបាន៤លាន។ អត្តពលិកឆ្នើម និងអាជ្ញាកណ្តាលឆ្នើមប្រចាំព្រឹត្តិការណ៍ទទួលបានពាន១ និងម៉ូតូ១គ្រឿងដូចគ្នា។

ខាងក្រោមជាជ័យលាភីមេដាយទាំង១៤វិញ្ញា និងពានរង្វាន់អត្តពលិកឆ្នើម។

វិញ្ញាសាសម្តែង ថ្វាយបង្គំគ្រូ ឯកត្តជន

មេដាយមាស៖ កីឡាករ រុន សាលីត
មេដាយប្រាក់៖ កីឡាការិនី ព្រីង សុផាវត្តី
មេដាយសំរិទ្ធ៖ កីឡាករ ព្រុំ ពេញពិសិដ្ឋ

វិញ្ញាសាសម្តែងមេគុដៃឯកត្តជន

មេដាយមាស៖ កីឡាករ គីម ទិត្យសុវឌ្ឍនៈ
មេដាយប្រាក់៖ កីឡាករ ហៀង លីហេង
មេដាយសំរិទ្ធ៖ កីឡាការិនី គង់ម៉ូណា ជេសស៊ីកា

វិញ្ញាសាសម្តែងមេគុនអាវុធក្រុម៣នាក់ (បុរស២នាក់-នារី១នាក់)

មេដាយមាស៖ ខ.ភ.ម ក្រុមកងពលតូចថ្មើរជើងលេខ៥១
មេដាយប្រាក់៖ ក្រុមសមាគមគុនល្បុក្កតោអង្គរមានឬទ្ធិ
មេដាយសំរិទ្ធ៖ កងអន្តរាគមន៍លេខ១ បញ្ជាការដ្ឋានការពារកោះឆ្នេរ

វិញ្ញាសាសម្តែងសមយុទ្ធក្រុម-៥នាក់

មេដាយមាស៖ ក្រុមតារាជ ក្រសួងមហាផ្ទៃ (កីឡាការិនី ភិរម្យ មុន្នីរ័ត្ន, កីឡាការិនី ម៉ៅ លក្ខិណា, កីឡាការិនី យស់ កញ្ជានា, កីឡាករ យ៉ង់ ម៉េងលី និងកីឡាករ យ៉ឹម វត្ថា
មេដាយប្រាក់៖ កងពលតូចថ្មើរជើងលេខ៥១ (កីឡាករ ហេង ចាន់ឌី, កីឡាករ នន់ ស្រមោចក្រហម, កីឡាករ ជា សារិទ្ធ, កីឡាករ ណុក សុគា និងកីឡាការិនី សេន សាហ្វីរ៉ា
មេដាយសំរិទ្ធ៖ សមាគមគុនល្បុក្កតោអង្គរមានឬទ្ធិ (កីឡាការិនី ហយ ស្រីអូ, កីឡាការិនី ដេត ស្រីយ៉ាល, កីឡាករ ថា រ៉ៃយ៉ា, កីឡាករ មឿន បូរមី និងកីឡាករ រ៉ុប ណារ៉ាន់)

វិញ្ញាសាប្រយុទ្ធស្ម័គ្រចិត្តនារីទម្ងន់-៤៥គីឡូក្រាម