កីឡា
តើអ្នកប៉ះសេឆ្នើម សួន ចាន់ណារ៉ូ មានប្រវត្តិយ៉ាងណាមុនចូលនិវត្តន៍?
កីឡាករបាល់ទះជម្រើសជាតិកម្ពុជា សួន ចាន់ណារ៉ូ បានសម្រេចចូលនិវត្តន៍ជាផ្លូវការកាលពីថ្ងៃទី២១ ខែតុលា ឆ្នាំ២០២៤ បន្ទាប់ពីចូលចាប់អាជីពកីឡាបាល់ទះអស់រយៈពេល១៥ឆ្នាំដោយបន្សល់ទុកស្នាដៃជាច្រើនដល់ក្រុមបាល់ទះជម្រើសជាតិកម្ពុជា និងក្លិប។
ការលេងឲ្យក្លិប
សួន ចាន់ណារ៉ូ ដែលកើតនៅថ្ងៃទី២៧ ខែមិថុនា ឆ្នាំ១៩៩៥ បានចាប់ផ្តើមលេងបាល់ទះតាំងពីក្មេងជាមួយនឹងអំណោយផលកាយសម្បទាល្អគឺកម្ពស់១.៩០ម៉ែត្រ។ ឆ្លងកាត់ការលេងបាល់ទះក្នុងវ័យក្មេងជាច្រើនឆ្នាំតាំងពីក្រុមបាល់ទះបឋមសិក្សា រហូតដល់ក្រុមវិទ្យាល័យ រូបគេបានចាប់ផ្តើមចូលក្លិបអាជីពដំបូងគឺកងពលធំអន្តរាគមន៍លេខ៣នៅឆ្នាំ២០១២ មុនពេលផ្លាស់ទៅក្រុមបាល់ទះសហភាពសហព័ន្ធយុវជនកម្ពុជាខេត្តព្រៃវែង ក្នុងឆ្នាំ២០១៧ ដែលក្រោយមកប្តូរឈ្មោះ ក្លិបបាល់ទះវិសាខា ជាទ្រនំថ្មីដែលរូបគេជ្រកកោនរហូតដល់ចូលនិវត្តន៍។
ប្រវត្តិប្រកួតក្នុងពានរង្វាន់ឲ្យក្លិបវិសាខា
ឆ្នាំ២០១៧ សួន ចាន់ណារ៉ូ ជួយឲ្យក្លិបវិសាខាឈ្នះមេដាយមាស ក្នុងព្រឹត្តិការណ៍កីឡាជាតិ, ឈ្នះជើងឯកពានរង្វាន់ស្រាបៀរកម្ពុជា និងឈ្នះជើងឯកពានរង្វាន់ស្រាបៀរលីអូ។
ឆ្នាំ២០២២ រូបគេបានជួយក្លិបវិសាខាឈ្នះជើងឯកពានរង្វាន់ Ganzberg Special Volleyball League ជាប្រភេទវិញ្ញាសាលេង៤នាក់ទល់នឹង៤នាក់។ នៅឆ្នាំដដែល សួន ចាន់ណារ៉ូ ជួយក្លិបបានឈ្នះជើងឯកពានរង្វាន់ សម្តេចអគ្គមហាសេនាបតីតេជោ ហ៊ុន សែន។
ឆ្នាំ២០២៣ សួន ចាន់ណារ៉ូ បានជួយក្លិបវិសាខាឈ្នះពានរង្វាន់ Wurkz Special Volleyball ជាការលេង៤នាក់ទល់នឹង៤នាក់ ព្រមទាំងទទួលបានចំណាត់ថ្នាក់លេខ២ពានរង្វាន់ឯកឧត្តមអភិសន្តិបណ្ឌិត ស សុខា និងទទួលបានចំណាត់ថ្នាក់លេខ៤ពានរហ្វាន់ Johor Bahru Mayors Cup នៅប្រទេសម៉ាឡេស៊ី។
ឆ្នាំ២០២៤ គឺជាពេលវេលាដ៏អស្ចារ្យបំផុតសម្រាប់ សួន ចាន់ណារ៉ូ លេងឲ្យក្លិបវិសាខា។ រូបគេជាផ្នែកដ៏សំខាន់ជួយឲ្យក្លិបឈ្នះពានរង្វាន់អន្តរជាតិ Win+ Streak Volleyball Invitational Tournament នៅកោះតៃវ៉ាន់ និងទទួលបានចំណាត់ថ្នាក់លេខ២ លីគបាល់ទះកំពូលកម្ពុជា«តេជោលីគ»។
ក្រុមបាល់ទះជម្រើសជាតិកម្ពុជា
សួន ចាន់ណារ៉ូ បានជាប់ក្នុងក្រុមបាល់ទះជម្រើសជាតិកម្ពុជាតាំងពីឆ្នាំ២០១៦។ រូបគេបានលេងក្នុងព្រឹត្តិការណ៍កីឡាស៊ីហ្គេម៤លើកជាប់គ្នាគឺឆ្នាំ២០១៧ ២០១៩ ២០២១ និង២០២៣។ ក្នុងនោះ រូបគេបានរួមចំណែកជាច្រើនសម្រាប់វិស័យបាល់ទះកម្ពុជាគឺឈ្នះលើក្រុមជម្រើសជាតិដែលពីមុនកម្ពុជាមិនធ្លាប់ឈ្នះ។ ជាពិសេសរូបគេបានជួយកម្ពុជាឈ្នះមេដាយសំរិទ្ធកីឡាស៊ីហ្គេម ជាលើកដំបូង ឆ្នាំ២០២១ និងឈ្នះមេដាយប្រាក់កីឡាស៊ីហ្គេម ជាលើកដំបូង ឆ្នាំ២០២៣។
ទន្ទឹមជាមួយគ្នានេះ រូបគេបានជួយកម្ពុជាទទួលបានជ័យជម្នះក្នុងការប្រកួតមិត្តភាពអន្តរជាតិជាច្រើន និងទទួលបានចំណាត់ថ្នាក់លេខ២ពានរង្វាន់ Tri-Nation Cup 2023 នៅប្រទេសម៉ាឡេស៊ី ព្រមទាំងបង្ហាញខ្លួនជាលើកដំបូងក្នុងព្រឹត្តិការណ៍កីឡាទ្វីបអាស៊ី ឆ្នាំ២០២៣ នៅប្រទេសចិន។
អ្វីដែលកាន់តែពិសេសអស្ចារ្យថែមទៀតនោះ សួន ចាន់ណារ៉ូ ក្នុងនាមប្រធានក្រុម និងអ្នកប៉ះសេ បានជួយកម្ពុជាឈ្នះជើងឯក SEA V. League Challenge ឆ្នាំ២០២៤ និងបានកៅអីឡើងទៅកាន់ពានរង្វាន់លំដាប់ទី១ប្រចាំតំបន់អាស៊ាន SEA V. League នៅឆ្នាំ២០២៥។
ការចូលនិវត្តន៍
សួន ចាន់ណារ៉ូ ធ្លាប់បានប្រកាសចូលនិវត្តន៍ម្តងហើយ បន្ទាប់ពីបានជួយកម្ពុជាឈ្នះមេដាយសំរិទ្ធកីឡាស៊ីហ្គេម ឆ្នាំ២០២១ ប៉ុន្តែដោយសារកម្ពុជាខ្វះកីឡាករជំនាញប៉ះសេ ស្របពេលកម្ពុជាធ្វើជាម្ចាស់ផ្ទះរៀបចំការប្រកួតកីឡាស៊ីហ្គេម ឆ្នាំ២០២៣ ទើបសហព័ន្ធកីឡាបាល់ទះកម្ពុជាបញ្ចុះបញ្ចូលឲ្យរូបគេវិលត្រឡប់មកជួយក្រុមកម្ពុជាជាថ្មី។
រូបគេបានចូលរួមជាមួយក្រុមជម្រើសជាតិកម្ពុជាថ្មីមានរយៈពេល២ឆ្នាំគឺឆ្នាំ២០២៣-២៤ មុនពេលសម្រេចចូលនិវត្តន៍ជាលើកទី២។ ការចូលនិវត្តន៍នេះបានធ្វើឲ្យថ្នាក់ដឹកនាំ ក្រុមគ្រូបង្វឹក និងមិត្តរួមក្រុមមានការសោកស្តាយយ៉ាងខ្លាំង ពីព្រោះរហូតដល់ពេលនេះមិនទាន់មានអ្នកប៉ះសេណាមានកម្រិតសមត្ថភាពល្អដូច សួន ចាន់ណារ៉ូ ឡើយ។
នៅថ្ងៃទី២១ ខែតុលា ឆ្នាំ២០២៤ សហព័ន្ធកីឡាបាល់ទះកម្ពុជាបានរៀបចំពិធីចូលនិវត្តន៍យ៉ាងឱឡារិកដោយមានវត្តមានលោក អាំង សិរីពិសិដ្ឋ អគ្គលេខាធិការ និងជាអនុប្រធានសហព័ន្ធកីឡាបាល់ទះកម្ពុជា អ្នកឧកញ៉ា លាង ម៉េង ជាអ្នកឧបត្ថម្ភ កីឡាករជាមិត្តរួមក្រុម និងអ្នកគាំទ្រយ៉ាងច្រើន។ នេះជាលើកដំបូងហើយក្នុងប្រវត្តិសាស្ត្របាល់ទះកម្ពុជាដែលរៀបចំពិធីចូលនិវត្តន៍បែបនេះ។
មូលហេតុចម្បងដែល សួន ចាន់ណារ៉ូ បានសម្រេចចូលនិវត្តន៍គឺដោយសារសុខភាពមិនអំណោយផល។ ទម្ងន់របស់កីឡាករកាន់តែឡើង ជាពិសេសឈឺចង្កេះពិបាកធ្វើឲ្យរូបគេបន្តការលេងកម្រិតអាជីព ហើយម្យ៉ាងទៀត រូបគេចង់ផ្តល់ឱកាសឲ្យក្មេងជំនាន់ក្រោយ។ ស្របពេលជាមួយគ្នានេះ សហព័ន្ធកីឡាបាល់ទះកម្ពុជាបានប្រកាសបើកចំហជានិច្ចសម្រាប់ការវិលត្រឡប់ចូលវិស័យបាល់ទះវិញទាំងក្នុងនាមជាកីឡាករ ឬក្រុមការងារគ្រូបង្វឹកណាមួយក៏បាន។
ជីវិតឯកជន
សួន ចាន់ណារ៉ូ បានរៀបការរួចហើយដែលបច្ចុប្បន្នរូបគេមានកូនប្រុសម្នាក់ជាចំណងដៃអាពាហ៍ពិពាហ៍។ ក្រៅពីនេះ រូបគេក៏ជាមន្ត្រីប៉ូលិសម្នាក់ផងដែរ៕
អត្ថបទ៖ វីរបុត្រ
លោក ស៊ាន បូរ៉ាត និងលោក ស ថាវី ត្រូវបានតុលាការកោះហៅចូលបំភ្លឺលើសំណុំរឿងក្រុមហ៊ុនអតីតឧកញ៉ា ឡេង ចាន់ណា
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
លោក ត្រាំ ព្រមានក្រុមប្រទេស BRICS ជុំវិញរឿងប្រឆាំងនឹងការប្រើប្រាស់លុយដុល្លារអាមេរិក
សម្ដេច ប៊ុន រ៉ានី អំពាវនាវឱ្យគ្រប់ភាគីរួមគ្នាជាមួយរដ្ឋាភិបាលដើម្បីលុបបំបាត់ជំងឺអេដស៍
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
កងទ័ពជើងទឹកមីយ៉ាន់ម៉ា បាញ់ទូកនេសាទថៃ បណ្ដាលឲ្យស្លាប់ម្នាក់ និងចាប់ឃាត់ខ្លួន៣១នាក់
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
សេដ្ឋកិច្ច៦ ថ្ងៃ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល