កីឡា

យប់នេះ ក្រុមនារីកម្ពុជា អ៊ុតមើល ម៉ាឡេស៊ី ប្រកួតជាមួយ ឥណ្ឌូណេស៊ី

បានផុស

១ year មុន

នៅ

ថ្ងៃអង្គារ ២៦ វិច្ឆិកា ២០២៤

ដោយ

ក្រុមបាល់ទាត់នារីជម្រើសជាតិកម្ពុជាត្រូវតាមដានមើលការប្រកួតរបស់ក្រុមបាល់ទាត់នារីម៉ាឡេស៊ី ជាមួយ ឥណ្ឌូណេស៊ី វេលាម៉ោង៧:៣០នាទីយប់នេះ ក្នុងពានរង្វាន់ ASEAN Women’s Cup ថ្ងៃទី២៦ ខែវិច្ឆិកា ២០២៤ នៅប្រទេសឡាវ មុនពេលប៉ះគ្នានៅថ្ងៃទី២៩ ខែវិច្ឆិកា។

នេះជាការប្រកួតលើកទី១របស់ក្រុមបាល់ទាត់នារីម៉ាឡេស៊ី ប៉ុន្តែជាការប្រកួតលើកទី២របស់ឥណ្ឌូណេស៊ី។ កាលប្រកួតទី១ ឥណ្ឌូណេស៊ី បានបញ្ចប់ដោយលទ្ធផលស្មើគ្នា ០-០ ជាមួយក្រុមនារីកម្ពុជា។ ក្រុមនារីកម្ពុជាត្រូវពិនិត្យមើលទម្រង់លេងរបស់ ម៉ាឡេស៊ី មែនទែន ពីព្រោះការជួបគ្នានៅថ្ងៃទី២៩ ខែវិច្ឆិកា ពិតជាសំខាន់សម្រាប់កម្ពុជា។ ការប្រកួតយប់នេះ ក្រុមណាឈ្នះ នឹងបានឡើងទៅកាន់វគ្គពាក់កណ្តាលផ្តាច់ព្រ័ត្រដោយស្វ័យប្រវត្តិសាស្ត្រ។

និយាយពីក្រុមនារីកម្ពុជាមានអំណោយផលល្អជាងគេដោយសារឈប់សម្រាកក្នុងការត្រៀមខ្លួនបានច្រើនថ្ងៃ បន្ទាប់ពីបានប្រកួតជាមួយ ឥណ្ឌូណេស៊ី តាំងពីថ្ងៃទី២៣ ខែវិច្ឆិកា ខណៈម៉ាឡេស៊ី ទើបចាប់ផ្តើមប្រកួតថ្ងៃនេះ ហើយថ្ងៃទី២៩ ត្រូវប្រកួតជាមួយ ក្រុមនារីកម្ពុជាទៀត។

បច្ចុប្បន្ន ក្រុមនារីកម្ពុជាឈរលេខ១ក្នុងពូល B ហើយឥណ្ឌូណេស៊ី ឈរលេខ២ ដោយសារឥណ្ឌូណេស៊ី ប្រកួតក្នុងនាមក្នុងដីជាមួយកម្ពុជា ទោះបីជាបញ្ចប់ដោយលទ្ធផលគ្មានគ្រាប់បាល់ក៏ដោយ។

ពិន្ទុបណ្ណោះអាសន្នពូល B