កីឡា
ក្មេងប្រុសម្នាក់ត្រូវបានចាប់ខ្លួនក្រោយសង្ស័យផ្ញើសារគំរាមភរិយា Havertz
ប៉ូលីសនៅភាគខាងកើតប្រទេសអង់គ្លេស បានចាប់ខ្លួនក្មេងប្រុសអាយុ១៧ឆ្នាំម្នាក់ ក្រោយសង្ស័យពីការផ្ញើសារគម្រាមទៅអ្នកនាង Sophia Havertz ដែលជាភរិយារបស់កីឡាករ Kai Havertz របស់ក្រុម Arsenal។
កម្លាំងប៉ូលីស Hertfordshire Constabulary បានបញ្ជាក់កាលពីថ្ងៃអង្គារថា ក្មេងប្រុសអាយុ១៧ឆ្នាំម្នាក់មកពី St Albans ត្រូវបានចាប់ខ្លួនពីបទសង្ស័យផ្ញើសារគំរាមកំហែងភរិយា Havertz។ សារនោះត្រូវបានអ្នកនាង Sophia Havertz បានចែករំលែករូបថតអេក្រង់ (Screenshots) ដែលប្រមាថលើនាងតាមបណ្តាញសង្គម Instagram។
ការរំលោភបំពាននេះបានកើតឡើង បន្ទាប់ពីក្រុម Arsenal ចាញ់ក្រុម Manchester United ក្នុងការប្រកួត FA Cup ជាការប្រកួតដែលកីឡាករ Kai Havertz ស៊ុតបាល់កាត់សេចក្តី១១ម៉ែត្រមិនចូល ក្នុងការប្រកួតនៅកីឡដ្ឋាន Emirates កាលពីថ្ងៃទី១២ ខែមករា។
ការចូលរួមរបស់ប៉ូលីសបានកើតឡើងបន្ទាប់ពី Arsenal ទទួលបានជំនួយពីក្រុមហ៊ុនបច្ចេកវិទ្យាទិន្នន័យ Signify ដើម្បីកំណត់អត្តសញ្ញាណជននៅពីក្រោយការផ្ញើសារបំពាននេះ។ ជនសង្ស័យត្រូវបានដោះលែងឲ្យនៅក្រៅឃុំបណ្ដោះអាសន្ន ខណៈការស៊ើបអង្កេតបន្ត។
ការស៊ើបអង្កេតរឿងនេះកំពុងបន្ត ប៉ុន្តែក្រុម Arsenal កំពុងរៀបចំខ្លួនដើម្បីប្រមូលអាម្មណ៍ ប្រកួតក្នុងក្របខ័ណ្ឌ Champions League ជាមួយក្រុម Dinamo Zagreb នៅយប់ថ្ងៃពុធ៕
អត្ថបទ៖ ផា រតនា
-
ព័ត៌មានជាតិ៦ ថ្ងៃ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
សន្តិសុខសង្គម២ ថ្ងៃ agoនគរបាលព្រហ្មទណ្ឌ សហការជាមួយនគរបាលខេត្តព្រះសីហនុ ឃាត់ខ្លួនជនសង្ស័យ២នាក់ ករណីឃាតកម្ម នៅវៀតណាម
-
ព័ត៌មានអន្ដរជាតិ១ សប្តាហ៍ agoសុខភាពបុត្រីស្ដេចថៃ ធ្លាក់ចុះដុនដាបខ្លាំង ដោយសារការឆ្លងមេរោគធ្ងន់ធ្ងរ
-
ចរាចរណ៍៦ ថ្ងៃ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
សេដ្ឋកិច្ច១ សប្តាហ៍ agoអគារប្រណីតពន្ធដារថ្មី ដាក់ឱ្យប្រើប្រាស់នៅថ្ងៃនេះ
-
ព័ត៌មានជាតិ៦ ថ្ងៃ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានអន្ដរជាតិ៦ ថ្ងៃ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
កីឡា៤ ថ្ងៃ agoBreaking News! Cristian នឹងចាកចេញពី ព្រះខ័នរាជស្វាយរៀង ចុងរដូវកាលនេះ