កីឡា

ស្វាយរៀងខាប់ លើកទី៧ ចាប់ផ្តើមចុងសប្តាហ៍នេះមាន៦គូ

បានផុស

២ សប្តាហ៍ មុន

នៅ

ថ្ងៃអង្គារ ១៨ កុម្ភៈ ២០២៥

ដោយ

ការប្រកួតបាល់ទាត់ពានរង្វាន់ខាប់ លើកទី៨ ឆ្នាំ២០២៥ នឹងចាប់ផ្តើមដំណើរការប្រកួតនាចុងសប្តាហ៍នេះហើយដោយមាន៦គូប្រកួតនៅទីលានវិទ្យាល័យ ហ៊ុនសែន ស្វាយរំពារ ចាប់ពីម៉ោង៨ព្រឹកទៅ។

គូបើកវេលាម៉ោង៨ព្រឹក នៅថ្ងៃសៅរ៍ ទី២២ ខែកុម្ភៈ ឆ្នាំ២០២៥ ជាការជួបគ្នារវាងក្រុម កាំភ្លើងធំ ប៉ះ ក្រុមភូមិហ៊ីង និងវេលាម៉ោង១:៣០នាទី រសៀល ក្រុម Team យើង ប៉ះ ក្រុម ភូមិកណ្តាលខាងលិខ និងវេលាម៉ោង៣:៣០នាទីរសៀល ក្រុម គោព្រៃភូមិស្វាយធំ ប៉ះ ក្រុម ព្រះខន័រាជស្វាយរៀងអាយុ១៨ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃអាទិត្យ ទី២៣ ខែកុម្ភៈ ឆ្នាំ២០២៥ ក្រុម ស្នងការដ្ឋាននគរបាលខេត្តស្វាយរៀង ប្រកួតជាមួយ ក្រុមក្របីព្រៃកោះក្បាន វេលាម៉ោង៨ព្រឹក និងវេលាម៉ោង១:៣០នាទីរសៀលជាការជួបគ្នារវាង ក្រុមឆ្នាបុងបុង និង សសយក ស្រុកកំពង់រោទិ៍ ខណៈគូចុងក្រោយជាការប៉ះគ្នារវាង យុវជនចុងព្រែក និង សសយក ស្រុករមាសហែក វេលាម៉ោង៣:៣០នាទីរៀល។

ក្រុមបាល់ទាត់ចំនួន ៣៣ក្រុម មកពីបណ្តាស្រុក-ក្រុង ទាំង៨ទូទាំងខេត្តស្វាយរៀង បានចូលរួមប្រកួតប្រជែងក្នុងព្រឹត្តិការណ៍ប្រកួតពានរង្វាន់បាល់ទាត់ ស្វាយរៀងខាប់ លើក៧ ឆ្នាំ២០២៥។

ការប្រកួតនឹងចាប់ផ្តើម នៅថ្ងៃសៅរ៍ ទី២២ ខែកុម្ភៈ ឆ្នាំ២០២៥ នៅលើទីលានបាល់ទាត់ នៃវិទ្យាល័យ ហ៊ុន សែន ស្វាយរំពារ ដែលប្រកួតរៀងរាល់ថ្ងៃសៅរ៍-អាទិត្យប៉ុណ្ណោះ។ ក្នុងមួយថ្ងៃ មានចំនួន ៣ប្រកួត ព្រឹក ១ប្រកួត និងរសៀល ២ប្រកួត។

ក្នុងរូបមន្តបែងចែកពូល គឺបែងចែកជា ៨ពូល ក្នុងនោះ ៧ពូលមាន ៤ក្រុម និង ១ពូលមាន ៥ក្រុម ដោយធ្វើការប្រកួតយកចំណាត់ថ្នាក់លេខ១ និងលេខ២ ក្នុងពូលនីមួយៗ ឡើងទៅវគ្គ ១៦ក្រុមបន្តទៀត៕