កីឡា

វិសាខា ឬ ក្រុមខេត្តស្វាយរៀង ឡើងវគ្គផ្តាច់ព្រ័ត្រ តេជោលីគ?

បានផុស

១ year មុន

នៅ

ថ្ងៃសុក្រ ២១ កុម្ភៈ ២០២៥

ដោយ

ក្រុមបាល់ទះវិសាខា ត្រូវប្រឈមនឹងក្រុមខ្លាំង ស្នងការដ្ឋាននគរបាលខេត្តស្វាយរៀង វគ្គពាក់កណ្តាលផ្តាច់ព្រ័ត្រ ពានរង្វាន់តេជោលីគ វេលាម៉ោង៤រសៀល ថ្ងៃសៅរ៍ ទី២២ ខែកុម្ភៈ ឆ្នាំ២០២៥ នៅវិមានពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីវគ្គវិលជុំសន្សំពិន្ទុ ជុំទី១ ក្រុមវិសាខា ស្ថិតនៅលេខ៣ ក្នុងតារាងពិន្ទុ បន្ទាប់ពីឈ្នះ៥ប្រកួត និងចាញ់២ប្រកួត ខណៈក្រុមខេត្តស្វាយរៀង ស្ថិតនៅលេខ៥ តាមរយៈជ័យជម្នះ៣លើក និងចាញ់៤លើក។ ចូលជុំទី២ ព្រះខ័នរាជស្វាយរៀង បានឡើងមកឈរលើកំពូលតារាង ដោយបាន ឈ្នះ៤ប្រកួត និងចាញ់១ប្រកួត ហើយវិសាខា ស្ថិតនៅលេខ៤ បន្ទាប់ពីឈ្នះ២ប្រកួត និងចាញ់៣ប្រកួត។

ប្រវត្តិជួបគ្នា២លើក នៅជុំទី១ វិសាខា បានយកឈ្នះ ក្រុមខេត្តស្វាយរៀង ដោយលទ្ធផល ៣-២ ប៉ុន្តែនៅជុំទី២ ក្រុមខេត្តស្វាយរៀង បានយកឈ្នះវិញដោយលទ្ធផល ៣-០។ នៅពេល ក្រុមខេត្តស្វាយរៀង ចាញ់ ជាពេលដែលពួកគេទើបនាំចូលកីឡាករថ្មីហ្វឹកហាត់ជាមួយគ្នារយៈពេលខ្លី ប៉ុន្តែនៅពេល វិសាខា ចាញ់ក្នុងជុំទី២ ដោយសារ គួន ម៉ុម មានបញ្ហារបួសចង្កេះ។

យ៉ាងណា នៅពេលនេះ ក្រុមទាំងពីរសុទ្ធតែកំពុងពេញល្អដូចគ្នា ដូច្នេះច្បាស់លាស់គឺតឹងតែងខ្លាំង។ កីឡាករវាយផ្តាច់ឆ្នើមរបស់ក្រុមខេត្តស្វាយរៀងគឺកីឡាករឥណ្ឌា R. Ashwal ដែលបានក្លាយជាកីឡាករល្អប្រចាំការប្រកួតច្រើនជាងគេរហូត៧ដង។ កីឡាករសំខាន់របស់វិសាខា គឺ គួន ម៉ុម បានក្លាយជាកីឡាករល្អប្រចាំការប្រកួត៥ដង។

ថ្ងៃសៅរ៍ ទី២២ កុម្ភៈ វគ្គពាក់កណ្តាលផ្តាច់ព្រ័ត្រ