កីឡា

ខ្លី ខ្លឹម លោក ស៊ុផាឆៃ វីរៈភូជុង មិនថាអ្នកមាន ឬអ្នកក្រ ស្លាប់ទៅគ្មានអាចយកអ្វីទៅបានឡើយ

បានផុស

១ year មុន

នៅ

ថ្ងៃសុក្រ ៧ មីនា ២០២៥

ដោយ

សហស្ថាបនិកការប្រកួតបាល់ទាត់មិត្តភាព «ពានរង្វាន់សតវត្សរ៍ នៃព្រះធម៍» លោក ស៊ុផាឆៃ វីរៈភូជុង ដែលជាម្ចាស់សណ្ឋាគារសូហ្វីតែលភ្នំពេញភូគីត្រា មិនថាអ្នកមាន ឬអ្នកក្រក្ដីពេលស្លាប់ទៅមិនអាចយកអ្វីទៅជាមួយបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពសន្និសីទសារព័ត៌មាន

លោក ស៊ុផាឆៃ វីរៈភូជុង លើកឡើងក្នុងសន្និសីទសារព័ត៌មានមុននេះថា «ពានរង្វាន់សតវត្សរ៍ នៃព្រះធម៍» មិនមែនកើតឡើងដោយចៃដន្យនោះទេ ពោលរៀបចំឡើងផ្ដោតលើការបង្កើនចំណងមិត្តភាព សន្តិភាព និងការរស់ដោយសេចក្ដីសន្ដោសប្រណី។ ពិសេសនោះគឺប្រទេសក្នុងតំបន់ទន្លេមេគង្គដែលមានប្រវត្តិ និងវប្បធម៌រាប់ពាន់ឆ្នាំមកហើយដូចគ្នា។

ទិដ្ឋភាពសន្និសីទសារព័ត៌មាន

ម្ចាស់សណ្ឋាគារសូហ្វីតែល និងអគ្គនាយកស្ថានីយទូរទស្សន៍ប៉ុស្តិ៍លេខ៥ រូបនេះបន្ថែមទៀតថា ការប្រកួតនេះជាឱកាសក្នុងការផ្សព្វផ្សាយពីព្រះពុទ្ធសាសនា ពិសេសអត្ថន័យខ្លឹមសារ នៃការរស់នៅដោយសេចក្ដីសុខគ្រប់គ្នា។ មិនថាលោកជាអ្នកមាន ឬអ្នកក្រក៏ដោយម្នាក់ៗស្លាប់ទៅគឺទទេមិនអាចយកអ្វីទៅជាមួយបានឡើយមានតែអំពើល្អប៉ុណ្ណោះអាចទៅជាមួយបាន។ លោកពិតជាចង់ផ្សព្វផ្សាយសេចក្ដីល្អទាំងនេះមិនថាក្នុងតំបន់អាស៊ាន ឬពិភពលោកនោះទេដើម្បីឲ្យគ្រប់គ្នាបានដឹងពីសារប្រយោជន៍ និងការរស់នៅប្រកបដោយការស្រឡាញ់។

ទិដ្ឋភាពសន្និសីទសារព័ត៌មាន

បញ្ជាក់ដែរថា រសៀលថ្ងៃទី៧ ខែមីនា ឆ្នាំ២០២៥ នេះសហស្ថាបនិកលោក ស៊ុផាឆៃ វីរៈភូជុង ឯកឧត្ដម ខូវ ឆាយ និងក្រុមបាល់ទាត់តារាខ្មែរ-ថៃ បានធ្វើសន្និសីទសារព័ត៌មានស្ដីអំពីការប្រកួតបាល់ទាត់ពានរង្វាន់ «ពានរង្វាន់សតវត្សរ៍ នៃព្រះធម៍»។ ការប្រកួតស្អែកនេះនឹងចាប់ផ្ដើមឡើងនៅម៉ោង ២រសៀលតទៅនៅក្នុងពហុកីឡដ្ឋានជាតិ៕