ក្តៅៗ! ព្រះខ័នរាជស្វាយរៀង នៅពូល B ជាមួយក្រុមខ្លាំង Johor និង ៤ ក្រុមផ្សេងទៀត

លទ្ធផលចាប់ឆ្នោតវគ្កចែកពូល នៃពានរង្វាន់ក្លិបប្រចាំតំបន់ អាស៊ាន ASEAN Club Championship Shopee Cup រដូវកាល ២០២៥-២០២៦ បានចេញជាផ្លូវការហើយ ដោយ​ក្លិបតំណាង កម្ពុជា ព្រះខ័នរាជស្វាយរៀង ស្ថិតនៅពូល B ជាមួយក្រុមខ្លាំងមកពី ម៉ាឡេស៊ី Johor Darul Ta’Zim។

តាមរយៈការចាប់ឆ្នោតនៅរសៀលថ្ងៃ សុក្រ ទី ៤ ខែ កក្កដា ឆ្នាំ ២០២៥ ក្រុមព្រះខ័នរាជស្វាយរៀង បានស្ថិតនៅពូល B ជាមួយក្រុមខ្លាំងៗប្រចាំតំបន់ អាស៊ាន ៥ ផ្សេងទៀតដូចជា Johor Darul Ta’Zim (ម៉ាឡេស៊ី), Bangkok United (ថៃ), Nam Dinh FC (វៀតណាម), Lion City Sailors FC (សិង្ហបុរី), និងក្រុម Playoff ២ (Ezra FC ឬ Shan United)។

ចំណែកពូល A វិញ ក៏ប្រជុំសុទ្ធទៅដោយក្រុមខ្លាំងៗជាច្រើនដែរ ដូចជា Buriram United (ថៃ), BG Pathum (ថៃ), Selangor FC (ម៉ាឡេស៊ី), Cong An Ha Noi FC (វៀតណាម), Tampines Rovers FC (សិង្ហបុរី) និងក្រុម Playoff ១ (Kasuka FC ឬ Dynamic Herb Cebu FC។

គួររម្លឹកថា កាលពីរដូវកាល ២០២៤-២០២៥ កន្លងទៅ ព្រះខ័នរាជស្វាយរៀង ក៏ជាក្រុមតំណាងកម្ពុជា លេងនៅក្នុងពានរង្វាន់នេះផងដែរ ប៉ុន្តែពួកគេបានធ្លាក់ត្រឹមវគ្គក្នុងពូល បន្ទាប់ពីឆ្លងកាត់ ៥ ប្រកួតក្នុងពូល A ឈ្នះ ២ ស្មើ ១ និងចាញ់ ២ មាន ៧ ពិន្ទុ ឈរនៅលេខរៀងទី ៣ ក្នុងពូល៕

អត្ថបទ៖ កុសល