Connect with us

កីឡា

លោក​ ខន​ សុខុន​ ដឹង​ច្បាស់​ពី​សារប្រយោជន៍​នៃ​ការ​ហាត់​កីឡា​ទើប​លោក​រួម​ទាំង​កូនៗ​ហាត់​ជា​ប្រចាំ​ថ្ងៃ

បានផុស

នៅ

លោក​ ខន​ សុខុន​ ដឹង​ច្បាស់​ពី​សារប្រយោជន៍​ នៃ​ការ​ហាត់​កីឡា​ទើប​រូប​លោក​ផ្ទាល់​រួម​ជា​មួយ​កូន​ ២នាក់​ទៀត​ហ្វឹកហាត់​ជា​ប្រចាំ​ ព្រោះ​ទទួលបាន​សុខភាពល្អ​ និង​មាន​រាងកាយ​រឹងមាំ​មិន​សូវ​ចាញ់​ជំងឺ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​ ខន​ សុខុន និង​កូន​ទាំងពីរ

លោក​ ខន​ សុខុន បាន​ឲ្យ​ដឹង​ថា​ លោក​ស្រឡាញ់​ចូលចិត្ត​វិស័យ​កីឡា​តាំង​ពី​យូរ​មកហើយ​ ពោល​ឲ្យ​តែ​មាន​ពេល​ទំនេរ​គឺតែងតែ​ហាត់​លេង​ជា​និច្ច​ជា​មួយ​កូន​ប្រុស​-ស្រី​របស់​លោក។​ ប៉ុន្តែ​ការ​ហ្វឹកហាត់​នោះ​គឺ​ចម្រុះ​ដើម្បី​បាន​តែ​បែក​ញើសប៉ុណ្ណោះមិន​ផ្ដោត​លើ​កីឡា​អ្វី​នោះ​ឡើយ។​

លោក​ ខន​ សុខុន និង​កូនប្រុស

បន្ទាប់​ពី​ការ​បាន​ដឹង​ និង​ចូល​ហាត់​កីឡា​ហាប់គីដូ​ បាន​មួយ​រយៈពេល​មក​គឺ​ធ្វើ​ឲ្យ​លោក​រឹតតែ​ស្រឡាញ់​ ចូលចិត្ត​កីឡាជាង​មុន​ទៅ​ទៀត។​ កាន់​តែ​អស្ចារ្យ​នោះ​កីឡា​ហាប់គីដូ​មិន​ត្រឹម​តែ​ធ្វើ​ឲ្យ​មាន​សុខភាព​ល្អ​មាន​ភាព​អត់ធ្មត់តស៊ូ​ព្យាយាម​​នោះ​ទេ រាងកាយ​សាច់ដុំ​រឹងមាំ​ និង​រហ័ស​ខុស​ពី​មុន​ហ្វឹកហាត់ទៀត​ផង។​ ក្រៅ​តែ​ពី​មាន​សុខភាព​ល្អ​គឺបាន​ជួយ​ឲ្យ​ក្មេងៗ​រវល់​មិន​មាន​ពេល​វេលា​លេង​ទូរសព្ទ​អត់​ប្រយោជន៍​ ឬ​​ធ្វើ​ទង្វើរ​ដែល​សង្គម​ស្អប់ខ្ពើម​ជា​ដើម។​ ដូច្នេះ​ហើយ​ទើប​លោក​រួម​ទាំង​កូនៗ​ហ្វឹកហាត់​កីឡា​ជា​ប្រចាំ​ថ្ងៃ​តែ​ម្ដង​បន្ទាប់​ពី​ធ្វើការ​ ឬ​រៀនសូត្រ​រួច​មក។​

កូនប្រុសលោក​ ខន​ សុខុន ពេលហ្វឹកហាត់

បញ្ជាក់​ដែរ​ថា​ លោក​ ខន​ សុខុន​ និង​កូន​ប្រុស​ឈ្មោះ​ សុខុន​ សីហនុត​ កូន​ស្រី​ឈ្មោះ​ សុខន​ លីហ័រ​ ចូល​ហ្វឹកហាត់​កីឡា​ហាប់គីដូ​ជា​មួយ​គ្នា​តាំង​ពី​ឆ្នាំ​២០២២​ មក​ម្ល៉េះ​ជា​មួយ​លោក​ គង់​ ចាន់ធីណា​ នៅ​រាជធានី​ភ្នំពេញ​។​ មិន​ត្រឹម​ហ្វឹកហាត់​បែប​សុខភាព​នោះ​ទេ​កូន​ប្រុស​របស់​លោក​បាន​ក្លាយ​ជា​កីឡាករ​ឆ្នើម​ និង​ឈ្នះ​មេដាយ​នៅ​អន្តរជាតិ​រហូត​ដល់​ ៨គ្រឿង​ទៀត​ផង៕​

លោក​ ខន​ សុខុន​ ពេលហ្វឹកហាត់

អត្ថបទដោយ៖ នួន ស៊ីណា​

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម