កីឡា

កម្លាំងនៃការចូលរួមតិចតួចសហព័ន្ធហាប់គីដូរៀបចំជើងឯកជាតិបានយ៉ាងល្អមិនចាញ់សហព័ន្ធដទៃ

បានផុស

៥ ខែ មុន

នៅ

ថ្ងៃចន្ទ ២ កុម្ភៈ ២០២៦

ដោយ

ប្រធានស្ដីទីសហព័ន្ធខ្មែរកីឡាហាប់គីដូ បង្ហាញភាពរីករាយជាខ្លាំងបន្ទាប់ពីការរៀបចំការប្រកួតជ្រើសរើសជើងឯកថ្នាក់បានយ៉ាងល្អ និងតាមបែបស្ដង់ដាដោយមិនចាញ់សហព័ន្ធកីឡាដទៃដែលអ្វីទាំងនេះបានមកពីការចូលរួមជាថវិកាបន្តិចបន្តួចរបស់សមាជិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋការប្រកួត

លោក គួច ហុងជៀក ប្រធានស្ដីទីបានឲ្យដឹងថា ការរៀបចំជើងឯកថ្នាក់ជាតិនេះគឺជាកិច្ចការលំបាកមួយសម្រាប់គ្រប់គ្នាក្នុងសហព័ន្ធកន្លងមកដោយសារជួបបញ្ហាប្រឈមជាងគេនោះលើថវិកាចំណាយផ្សេងៗ។ អ្វីដែលនឹកស្មានមិនដល់គឺការរៀបចំបានរលូនទៅតាមផែនការ និងធ្វើបានល្អប្រសើរតាមបែបបទមិនចាញ់សហព័ន្ធដទៃប៉ុន្មានទេ។

ថ្នាក់ដឹកនាំរូបនេះបន្ថែមទៀតថា កម្លាំងនៃការចូលរួមគាំទ្រពិសេសថវិកាតិច-ច្រើន ពីបណ្ដាសមាជិក និងគ្រប់ភាគីទាំងអស់បានធ្វើឲ្យការប្រកួតនេះបញ្ចប់ដោយមោទកភាព។ លោកសូមថ្លែងអំណរគុណដល់ថ្នាក់ដឹកនាំសហព័ន្ធ សប្បុរសជន និងអ្នកឧបត្ថម្ភទាំងអស់ដែលតែងតែជួយដល់ការរៀបចំការប្រកួតនេះ។ .

ទិដ្ឋការប្រកួត

ព្រឹត្តិការណ៍ជ្រើសរើសជើងឯកថ្នាក់ជាតិនេះគឺពិតជាមានសារសំខាន់ដល់កីឡាករ កីឡាការិនីទាំងអស់បានបញ្ចេញសមត្ថភាព បង្ហាញទេពកោសល្យ និងបានដកស្រង់បទពិសោធដើម្បីពង្រឹងគុណភាពខ្លួនឯងឲ្យកាន់តែល្អថែមទៀតត្រៀមឆ្ពោះទៅកាន់ការប្រកួតផ្សេងៗ។

ទិដ្ឋការប្រកួត

បញ្ជាក់ដែរថា សហព័ន្ធខ្មែរកីឡាហាប់គីដូ បានបញ្ចប់ការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ របស់ខ្លួនហើយកាលពីថ្ងៃអាទិត្យ ទី១ ខែកុម្ភៈ ឆ្នាំ២០២៦ នេះក្រោយរៀបចំអស់រយៈពេល ៣ថ្ងៃកន្លងទៅ។ ក្នុងពិធីបិទការប្រកួតនេះដែរមានការអញ្ចើញចូលរួមពីលោក គួច ហុងជៀក ប្រធានស្ដីទីសហព័ន្ធខ្មែរកីឡាហាប់គីដូ លោក ដួង មាសចំរើន តំណាងក្រសួងអប់រំ យុវជន និងកីឡា រួមទាំងតំណាងក្រុមហ៊ុនដឹកអ្នកដំណើរឡារីតា ដែលជាអ្នកឧបត្ថម្ភគាំទ្រ៕