៣ វិធីឆែកឱ្យដឹងថា ប្រភពព័ត៌មានណាអាចទុកចិត្តបាន

ជាការពិតណាស់ មុននឹងជឿព័ត៌មានណាមួយត្រូវពិនិត្យមើលប្រភពដែលអាចជឿទុកចិត្តបាន ប៉ុន្តែធ្វើយ៉ាងណាអាចឆែកមើលដឹងថា ប្រភពព័ត៌មាននោះទុកចិត្តបាន? មានវិធីសាស្រ្ត ៣ យ៉ាងអាចជួយអ្នកពិនិត្យដឹងបានយ៉ាងឆាប់រហ័ស៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ឆែកមើល នរណាជាអ្នករាយការណ៍ព័ត៌មាន

ត្រូវប្រាកដថា អ្នកទទួលបានព័ត៌មាននោះពីអ្នកកាសែត គេហទំព័រព័ត៌មានផ្លូវការ ឬគេហទំព័រផ្លូវការពីស្ថាប័នណាមួយ ជាជាងគណនីបណ្តាញសង្គមធម្មតាដែលមិនស្គាល់អត្តសញ្ញាណច្បាស់លាស់។ អ្នកកាសែតអាចរាយការណ៍លើប្រព័ន្ធផ្សព្វផ្សាយបាន តម្រូវឱ្យឆ្លងកាត់ការពិនិត្យរបស់និពន្ធនាយកជាច្រើនដង និងប្រាកដថាក្នុងអត្ថបទព័ត៌មានមានដំណឹងគ្រប់ជ្រុងជ្រោយ មិនលម្អៀង ការពិត ត្រឹមត្រូវ និងមិនដាក់ការយល់ឃើញផ្ទាល់ខ្លួនចូលក្នុងអត្ថបទបានឡើយ។

២. ឆែកមើលច្រើនប្រភព

ប្រសិនបើព័ត៌មានខ្លះត្រូវបានចុះផ្សាយលើគេហទំព័រដទៃដែរនោះ មានន័យថា ព័ត៌មានដែលចុះផ្សាយជាព័ត៌មានពិតប្រាកដ និងទទួលបានការបញ្ជាក់ពីនរណាម្នាក់រួចរាល់ហើយ។ គប្បីឆែកឱ្យបានច្រើនប្រភពដើម្បីជាមធ្យោបាយកំណត់ថា អ្នករាយការណ៍ឬសរសេរអត្ថបទនោះពិតជាបានរាយការណ៍ការពិតអាចទុកចិត្តបាន។

៣. ឆែកមើលភស្តុតាងអាចទុកចិត្តបាន

សាកល្បងពិនិត្យមើលថា អ្នកសរសេរ ឬស្ថាប័ននោះមានភស្តុតាងភ្ជាប់ជាមួយនឹងព័ត៌មានដែលចុះផ្សាយនោះ។ វាជាសញ្ញាល្អមួយដែលប្រសិនបើអ្នកអាចស្វែងរកប្រភពដើមនៃព័ត៌មាននិងការពិតពីក្រោយការចុះផ្សាយនោះបាន។ ឧទាហរណ៍៖ ព័ត៌មានណាមួយត្រូវភ្ជាប់នូវសេចក្តីប្រកាស រូបភាព ឬវីដេអូ ភ្ជាប់ជាមួយព័ត៌មាន៕

អត្ថបទដោយ៖ Jacqueli

ប្រភព៖ BBC.co.uk

ចុចអាន៖ គួរធ្វើយ៉ាងណា ពេលឃើញព័ត៌មានក្លែងក្លាយអំពីជំងឺកូវីដ-១៩?

ចុចអាន៖ ដើមកំណើតនៃព័ត៌មានក្លែងក្លាយបានផ្សព្វផ្សាយតាំងពីពេលណាមក?