Facebook ធ្វើឲ្យប៉ះពាល់ដល់ ការការពារឯកជនភាពរបស់អ្នកប្រើប្រាស់ WhatsApp រាប់លាននាក់

នាយកប្រតិបត្តិ Mark Zuckerberg បានបង្ហាញ “ចក្ខុវិស័យផ្តោតលើឯកជនភាព” សម្រាប់ Facebook ក្នុងឆ្នាំ២០១៩ ដោយលើកឡើងពីសេវាកម្មផ្ញើសារជាសកលរបស់ក្រុមហ៊ុនគឺ WhatsApp ថាជាម៉ូដែលមានសុវត្ថិភាព សូម្បីតែក្រុមហ៊ុនក៏មិនអាចអានសាររបស់វាបានដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ WhatsApp មានបុគ្គលិកជាប់កិច្ចសន្យាជាង ១,០០០ នាក់នៅទីក្រុង Austin, Dublin និងសិង្ហបុរី ដែលកំពុងពិនិត្យមើលសាររាប់លាន ដោយប្រើប្រព័ន្ធ AI និងមើលព័ត៌មានគណនី ដើម្បីទទួលនិងផ្ទៀងផ្ទាត់ពាក្យបណ្តឹង។ នេះបើយោងតាមឯកសារដែលត្រូវបានបង្ហាញដោយសារព័ត៌មានបែបស៊ើបអង្កេត ProPublica។

អ្នកត្រួតពិនិត្យកម្មវិធី WhatsApp អាចចូលមើលខ្លឹមសារបាន នៅពេលអ្នកប្រើប្រាស់ចុចប៊ូតុង “Report” នៅលើកម្មវិធីដោយកំណត់ថា សារមួយបានរំលោភលើលក្ខខណ្ឌរបស់វេទិកា។

អ្នកត្រួតពិនិត្យម្នាក់ៗរាយការណ៍ថា ដោះស្រាយពាក្យបណ្តឹងចំនួន ៦០០ ក្នុងមួយថ្ងៃ ហើយពួកគេត្រូវចំណាយពេលតិចជាងមួយនាទី ដើម្បីពិនិត្យមើលខ្លឹមសារក្នុងមួយពាក្យបណ្តឹង។

យ៉ាងណាក្តី នៅក្នុងបទសម្ភាសន៍មួយកាលពីខែកក្កដា លោក Will Cathcart ប្រធាន WhatsApp បានព្យាយាមនិយាយសម្រាលថា “ខ្ញុំគិតថា យើងពិតជាអាចមានសន្តិសុខនិងសុវត្ថិភាពសម្រាប់មនុស្សតាមរយៈការ encrypt ពីដើមដល់ចប់ និងធ្វើការជាមួយមន្ត្រីអនុវត្តច្បាប់ដើម្បីដោះស្រាយបញ្ហាឧក្រិដ្ឋកម្មនានា”៕

ប្រែសម្រួល៖ Vann Vann

ប្រភព៖ RT

ចុចអាន៖ Facebook ថា អ្នកប្រើប្រាស់បណ្ដាញរបស់ខ្លួននៅ អាមេរិក ចំនួន ៨៥ ភាគរយគាំទ្រការចាក់វ៉ាក់សាំង មិនដូចការរិះគន់របស់លោក បៃដិន