បច្ចេកវិទ្យា

ចុះឈ្មោះចូលរួមកម្មវិធី ការតាំងពិព័រណ៍យន្តហោះ និងបច្ចេកវិទ្យា តាមប្រព័ន្ធអ៊ីនធឺណិត ដោយឥតគិតថ្លៃ

បានផុស

៤ years មុន

នៅ

ថ្ងៃព្រហស្បតិ៍ ១៨ វិច្ឆិកា ២០២១

ដោយ

ក្រោយខកខានរៀបចំការតាំងពិព័រណ៍យន្តហោះ និងបច្ចេកវិទ្យា (Air & Tech Show) ដោយសារតែការរីករាលដាល នៃជំងឺរាតត្បាតសកលកូវីដ-១៩ កាលពីឆ្នាំ ២០២០ ក៏ប៉ុន្តែ ក្នុងឆ្នាំនេះ កម្មវិធីតាំងពិព័រណ៍យន្តហោះ និងបច្ចេកវិទ្យា បានវិលត្រឡប់មកវិញហើយ។

យ៉ាងណាមិញសម្រាប់ឆ្នាំនេះវិញ កម្មវិធី Air & Tech Show តម្រូវឲ្យអ្នកដែលចង់ចូលរួមទស្សនាការតាំងពិព័រណ៍ ធ្វើការចុះឈ្មោះអនឡាញ ឬ Online Registration ក្នុងគោលបំណង ដើម្បីលើកស្ទួយវិស័យបច្ចេកវិទ្យានៅក្នុងប្រទេសកម្ពុជាឲ្យកាន់តែទូលាយ និងមានភាពរីកចម្រើន ព្រមទាំងបង្កើនភាពងាយស្រួលដល់អ្នកចូលរួមទស្សនាផងដែរ។ ចំពោះការចុះឈ្មោះនេះ គឺដោយឥតគិតថ្លៃ និងបើកឲ្យចូលរួមទស្សនាពិព័រណ៍ដោយសេរី។

គួរបញ្ជាក់ថា ពិព័រណ៍យន្តហោះ និងបច្ចេកវិទ្យា ត្រូវបានបង្កើត និងរៀបចំឡើងដោយក្រុមយុវជនកម្ពុជាមកពីសហភាពសហព័ន្ធយុវជនកម្ពុជា ខេត្តស្វាយរៀង ដែលមានចំណង់ចំណូលចិត្តលើមុខវិជ្ជាយន្តហោះ អាកាសចរណ៍ បច្ចេកវិទ្យា និងវិទ្យាសាស្ត្រ ហើយនៅក្នុងឆ្នាំនេះ ការតាំងពិព័រណ៍នឹងប្រព្រឹត្តទៅនៅមូលដ្ឋានទ័ពអាកាសពោធិ៍ចិនតុង រាជធានីភ្នំពេញ នាថ្ងៃទី ១៧ ដល់ ១៩ ខែធ្នូ ឆ្នាំ ២០២១ ខាងមុខនេះ។

ខាងក្រោមនេះ គឺវីដេអូណែនាំពីវិធីងាយៗ ក្នុងការចុះឈ្មោះចូលរួមទស្សនាការតាំងពិព័រណ៍យន្តហោះ និងបច្ចេកវិទ្យា ឆ្នាំ ២០២១ ៖ https://www.facebook.com/2067214390256971/posts/2906449426333459/