Elon Musk សាកល្បងបច្ចេកវិទ្យាដាក់បន្ទះឈីបក្នុងខួរក្បាលមនុស្ស ព្យាបាលជំងឺ ២ ប្រភេទ

មហាសេដ្ឋី Elon Musk និយាយថា​ បច្ចេកវិទ្យា Neuralink ដែលបង្កើតឡើងដោយក្រុមហ៊ុនបន្ទះឈីបខួរក្បាលរបស់លោក រំពឹងចាប់ផ្តើមសាកល្បងលើការព្យាបាលមនុស្សក្នុងរយៈពេល ៦ ខែ ។

គោលដៅសំខាន់ក្នុងការសាកល្បងព្យាបាលដំបូងគេរបស់លោក គឺ​ទៅលើ ការព្យាបាលប្រស្រីភ្នែក និងលើចលនាសាច់ដុំដែលលែងដំណើរការ ។

Elon Musk និយាយថា​ “ទោះបីជាមនុស្សកើតមកពិការភ្នែកពីកំណើតក៏ដោយ បច្ចេកវិទ្យានេះ នឹងជួយព្យាបាល​ឲ្យមើលឃើញវិញ​ដូចធម្មតា” ។

បន្ថែមពីនេះ លោកមហាសេដ្ឋីធ្លាប់និយាយថា មហិច្ចតារបស់លោក គឺប្រើប្រាស់បច្ចេកវិទ្យា​ Neuralink ដាក់បន្ទះឈីបចូលក្នុងខួរក្បាលមនុស្ស ដែលឲ្យខួរក្បាលអាចគ្រប់គ្រងប្រព័ន្ធបច្ចេកវិទ្យាអេឡិចត្រូនិច ព្យាបាលមនុស្សដែលក្រិនខ្វិនខ្វង់​មិនអាចដើរបាន និងព្យាបាលជំងឺខួរក្បាលជំងឺសរសៃប្រសាទ (Parkinson) ​ក៏ដូចជាជំងឺវង្វេងវង្វាន់ (Alzaimer) ជាដើម ។

គួរបញ្ជាក់ថា កាលពីឆ្នាំ ២០២១ លោក Musk ធ្លាប់ប្រើប្រាស់បច្ចេកវិទ្យា​ Neuralink របស់លោក ដាក់បន្ទះឈីបចូលទៅក្នុងខួរក្បាលស្វាទាំងសងខាង​ ដើម្បីពិសោធន៍ស្វា ក្នុងការប្រើប្រាស់ខួរក្បាលបញ្ជាទៅលើការលេងហ្គេម ៕

ប្រែសម្រួលដោយ ៖ ណាក់ ណាក់

ប្រភព ៖ Reuters

ចុចអាន ៖ Elon Muck បញ្ជាក់ការពិតរឿង Apple គំរាមដក Twitter ចេញពី App Store