បច្ចេកវិទ្យា

បែកធ្លាយតម្លៃ iphone 15 ទាំង ៤ ស៊េរីដែលនឹងចេញលក់ឆាប់ៗនេះ

បានផុស

៣ years មុន

នៅ

ថ្ងៃសុក្រ ១ កញ្ញា ២០២៣

ដោយ

ក្រុមហ៊ុន Apple នឹងបើកបង្ហាញផលិតផលទូរសព្ទ iPhone ស៊េរីថ្មី នោះគឺ iPhone 15 នៅថ្ងៃទី១២ ខែកញ្ញាខាងមុខនេះ ហើយអាចឲ្យអតិថិជនធ្វើការកុម្មង់បាន ចាប់ពីថ្ងៃទី១៥ ខែកញ្ញា និងដាក់លក់នៅទីផ្សារចាប់ពីថ្ងៃទី២២ ខែកញ្ញាតទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Apple ត្រូវបានគេរំពឹងថា នឹងបង្ហាញស៊េរី iPhone 15 ចំនួន ៤ ម៉ូដែល ដូចជា iphone 15, iPhone 15 Plus, iPhone 15 Pro, និង iPhone 15 Pro Max ។

យោងតាមការចុះផ្សាយរបស់សារព័ត៌មាន Forbs បានឲ្យដឹងថា សម្រាប់តម្លៃវិញ iPhone 15 អាចមានចាប់ពី ៧៩៩ ដុល្លារ, iPhone 15 Plus ចាប់ពី ៨៩៩ ដុល្លារ, iPhone 15 Pro តម្លៃ ១,០៩៩ ដុល្លារ និង iPhone 15 Pro Max មានតម្លៃចាប់ពី ១,២៩៩ ដុល្លារ ។

iPhone 15 ធម្មតា ត្រូវបានគេរំពឹង ថានឹងមានអេក្រង់ទំហំ ៦.១ អ៊ីញ ។ ដោយឡែក iPhone 15 Plus ទំហំ ៦.៧ អ៊ីញ ដែលនឹងមានថាមពលថ្មធំជាង ។

ចំពោះ ម៉ូដែល iPhone Pro ដែលមានតម្លៃថ្លៃ នឹងមានបន្ទះឈីប A17 Bionic ថ្មី រួមជាមួយនឹង RAM បន្ថែមទៀត ។ iPhone 15 Pro មានទំហំ ៦.១ អ៊ីញ ខណៈ iPhone 15 Pro Max ធំជាងមុន ដែលនឹងក្លាយជា iPhone ដំបូងបំផុត មានកាមេរ៉ា periscope Zoom 5X-6X ៕

ប្រែសម្រួល៖ នាង រតនៈ

ប្រភព៖ Forbs