មកដឹងតម្លៃទូរសព្ទ iPhone 15 នៅក្នុងប្រទេសថៃ និងវៀតណាម

ក្រុមហ៊ុន Apple បានដាក់បង្ហាញជាផ្លូវការនូវស៊េរីទូរសព្ទ iPhone 15 ជាផ្លូវកា​រកាលពីថ្ងៃទី១២ ខែកញ្ញា ហើយ​អាចបញ្ជាទិញតាំងតែងពីថ្ងៃទី ២២ ខែកញ្ញាមកម្ល៉េះ ។ ទន្ទឹមនោះ iPhone 15 ក៏មានការ​បន្ថែម និងអភិវឌ្ឍន៍​មុខងារថ្មីៗ និងកាន់តែពិសេសផងដែរ ជាពិសេសគឺ iPhone 15 Pro Max ដែលផលិតឡើងពីសារធាតុទីតាញ៉ូម។​

ខាង​ក្រោមនេះ ជាតម្លៃ​ត្រកូល iPhone 15 ទាំង ៤ ម៉ូដែល ដែលដាក់លក់នៅក្នុងប្រទេសវៀតណាម និង​ប្រទេសថៃ​៖

ប្រទេសថៃ

• iPhone 15 មានតម្លៃ​ ៣២,៩០០ បាត ស្មើនឹង ៩០៦ ដុល្លារ​
• iPhone 15 Plus មានតម្លៃ ៣៧,៩០០ បាត ស្មើនឹង ១,០៤២ ដុល្លារ
• iPhone 15 Pro មានតម្លៃ​ ៤១,៩០០ បាត ស្មើនឹង ១,១៥២ ដុល្លារ
• iPhone 15 Pro Max មានតម្លៃ ៤៨,៩០០ បាត ស្មើនឹង ១,៣៤៤ ដុល្លារ

ប្រទេស​វៀតណាម

• iPhone 15 មានតម្លៃខ្ទង់ ២៣ លានដុង ស្មើនឹង ៩៤៣ ដុល្លារ
• iPhone 15 Plus មានតម្លៃខ្ទង់ ២៦ លានដុង ស្មើនឹង ១,០៦៦ ដុល្លារ
• iPhone 15 Pro មានតម្លៃខ្ទង់ ២៩ លានដុង ស្មើនឹង ១,១៨៩ ដុល្លារ
• iPhone 15 Pro Max មានតម្លៃខ្ទង់ ៣៥ លានដុង ស្មើនឹង ១,៤៣៥ ដុល្លារ

គួរបញ្ជាក់ថា នៅវៀតណាមស៊េរី iPhone 15 ទាំង ៤ ម៉ូដែលនឹងដាក់លក់នៅថ្ងៃ​ទី២៩ កញ្ញា​ ខណៈបច្ចុប្បន្ន iPhone 15 Pro Max គឺមានការពេញនិយម​បំផុត​​​ ដោយប្រជាពលរដ្ឋនាំគ្នាសម្រុកកុម្ម៉ង់ទិញយ៉ាងច្រើន រហូតធ្វើឲ្យការដឹកជញ្ជូន​អាចពន្យាពេលទៅដល់នៅក្នុងខែវិច្ឆិកា ៕

ប្រែសម្រួល៖ នាង រតនៈ

ប្រភព៖ The Indian Express