Connect with us

សន្តិសុខសង្គម

យុវជនលើកឡើងអំពីការត្រៀមខ្លួនចាប់យក ទីផ្សារឌីជីថល

បានផុស

នៅ

នាពេលបច្ចុប្បន្ននេះ ពិភពលោកបាននិងកំពុងមានការផ្លាស់ប្តូរទៅ​កាន់សម័យ​កាលឌីជីថល ដោយ​ប្រតិបត្តិការ​ការងារ មួយចំនួនធំត្រូវបានផ្តោត​ទៅលើបច្ចេកវិទ្យា។ ដូច្នេះថា តើយុវជន សិស្សនិស្សិត គួរត្រៀម​លក្ខណៈបែបណា ដើម្បីចាប់ យក​ឱកាស​ការងារក្នុងសម័យ​កាលទីផ្សារឌីជីថល ឬឧស្សាហកម្ម ៤.០​?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ម៉េង កាត់ថា ជា CFO (chief financial officer) នៅក្រុមហ៊ុនមួយ បានឱ្យដឹងថា ដើម្បីចាប់យកឱកាស ការងារនៅបរិបទឌីជីថល ត្រូវមានដំណាក់កាល និងធ្វើទៅតាមជំហាននីមួយៗ។ ជាដំបូង ត្រូវកំណត់គោលដៅថា យើង ចង់បានអ្វី នោះវាងាយស្រួក្នុងត្រៀមខ្លួន​ ក៏ដូចជារៀនអ្វីដែលចាំបាច់ដើម្បីឈានទៅចាប់យកវាបាន។

កញ្ញា កាត់ថា បានបន្ថែមទៀតថា ក្រៅពីចំណេះដឹងផ្នែកបច្ចេកវិទ្យហើយនោះ ក៏ត្រូវចេះភាសាផងដែរ។ ជាពិសេស ភាសាអង់គ្លេស ឬភាសាដែលចាំបាច់ផ្សេងទៀត ក្នុងអាជីពដែលយើងចង់ធ្វើនោះ។

ដូចគ្នានេះដែរ លោក ហ៊ានពៅ ខុនថាវង្ស ជាយុវជនមួយរូប រស់នៅរាជធានីភ្នំពេញ បានយល់ឃើញដែរថា នៅក្នុង សម័យឧស្សាហរណ៍កម្ម ៤.0 នេះ ស្ទើរតែគ្រប់អាជីវកម្មបានងាកមកធ្វើទីផ្សារតាមបែបឌីជីថល ដើម្បីផ្សព្វផ្សាយបន្ថែម អំពីផលិតផលរបស់ខ្លួន ​ទៅដល់អតិថិជនឱ្យកាន់តែលឿន ចំគោលដៅ និងមានប្រសិទ្ធភាពជាងមុន។ លោកបានបន្តថា សម្រាប់អាជីវកម្មណាដែលគ្មានការធ្វើទីផ្សារឌីជីថល ឬឧបករណ៍ជំនួយផ្នែកបច្ចកវិទ្យានោះទេ រកស៊ីមិនទាន់គេទេ ឬមិន អាចផ្សព្វផ្សាយផលិតផលទៅដល់អ្នកមានតម្រូវការបានលឿននោះដែរ។

លោក ខុនថាវង្ស បានបន្តទៀតថា សម្រាប់យុវជនត្រូវត្រៀមជំនាញមួយចំនួនផ្សេងទៀតរួមមាន៖ Public speaking, Content creating, Networking និងចំណោះដឹងដែលពាក់ព័ន្ធទៅនឹង ជំនាញបច្ចេកទេស។

ចំណែកលោក សំ កុសល មានតួនាទីជា interior designer នៅក្រុមហ៊ុនឯកជនមួយកន្លែងយល់ឃើញដូច្នេះ « ពាក្យថាត្រៀមខ្លួន ដើម្បីចាប់យកទីផ្សារឌីជីថល គឺពិតជាមានន័យធំទូលាយណាស់»។ លោកបន្តថា សំខាន់ត្រូវតែ ស្គាល់ខ្លួនឯងជាមុនសិន ពោលគឺត្រូវសិក្សាអំពីចំណុចខ្លាំង និងគោលដៅដែលយើងចង់ទៅនៅក្នុងសម័យកាល ឧស្សាហកម្ម ៤.០ នេះ។

លោក សំ កុសល បានលើកឧទាហរណ៍មួយថា ដើម្បីក្លាយជា Digital marketing ឬហៅថា​អ្នកធ្វើទីផ្សារឌីជីថល ត្រូវចេះក្រាបហ្វិកឌីសាញ (Graphic Design) ការបង្កើតមាតិកាឱ្យទាក់ទាញ និងការរៀបចំកន្លែងផ្សព្វផ្សាយរូមមាន៖ ប្រព័ន្ធ social media និងវេបសាយ ជាដើម។

យោងតាម «ក្របខណ្ឌគោលនយោបាយ សេដ្ឋកិច្ច និងសង្គមឌីជីថលកម្ពុជា ២០២១-២០៣៥» បានបង្ហាញថានៅ រយៈពេលប៉ុន្នានឆ្នាំចុងក្រោយនេះ ប្រព័ន្ធ ICT (Information and communication technology) នៅកម្ពុជាមានការរីកចម្រើនយ៉ាងឆាប់រហ័ស ដែលបង្ហាញអំពីសក្តានុពលនៃវិស័យឌីជីថលក្នុងការប្រែក្លាយជាប្រភព កំណើនថ្មី។ ការប្រើប្រាស់សេវា ក៏ដូចជាអ៊ីនធឺណិត តាមទូរស័ព្ទចល័តបាន និងកំពុងបន្តកើនឡើងជាលំដាប់។

ទោះជាយ៉ាងនេះក្តី វិសាលភាពគ្របដណ្តប់ និងការប្រើប្រាស់ភាគច្រើនប្រមូលផ្តុំនៅតាមទីក្រុង និងទីប្រជុំជនធំៗ ហើយ គុណភាពសេវាកំពុងក្លាយជាបញ្ហាប្រឈម ដោយសារកំណើននៃការប្រើប្រាស់ជាគំហុក ក្នុងបរិការណ៍នៃការរាតត្បាត ជំងឺកូវីដ-១៩ និង ការប្រកួតប្រជែងយ៉ាងខ្លាំងក្លា។ ការអភិវឌ្ឍ និងការចាប់យកឌីជីថល ក៏ដូចជាការធ្វើឌីជីថលូបនីយកម្ម (សំដៅទៅលើការធ្វើសមាហរណកម្មបច្ចេកវិទ្យាឌីជីថលចូលទៅក្នុងដំណើរការប្រចាំថ្ងៃនៃស្ថាប័នរដ្ឋ និងឯកជន) និងការ ធ្វើបរិវត្តកម្មឌីជីថលសេដ្ឋកិច្ច និងសង្គមនៅកម្ពុជា ស្ថិតនៅដំណាក់កាលចាប់ផ្ដើមនៅឡើយ ។ ក្នុងបរិបទនេះ ឧបសគ្គ មួយចំនួនទាំងកត្តាជំរុញ និងកត្តាចាប់យកបច្ចេកវិទ្យាក្នុងចំណោមតួអង្គសំខាន់ៗបាន និងកំពុង រាំងស្ទះដល់ដំណើរឆ្ពោះ ទៅមុខនៃការត្រៀមខ្លួនឌីជីថលរបស់កម្ពុជា៕

អត្ថបទ៖ ផល ធារិត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣៣ នាទី មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

ព័ត៌មានជាតិ១ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

ព័ត៌មានជាតិ១ ម៉ោង មុន

ព្រះវិហារ ដ៏ចំណាស់អាយុជាង ១០០ឆ្នាំ ក្នុងវត្តដំណាក់ កំពុងទទួលបានការជួសជុល អភិរក្ស

ព័ត៌មានជាតិ២ ម៉ោង មុន

កម្ពុជាប្រារព្វទិវាអន្តរជាតិប្រយុទ្ធប្រឆាំងគ្រឿង ញៀនដ៏ធំប្រចាំឆ្នាំ ដើម្បីលើកកកម្ពស់ការអប់រំ

ព័ត៌មានជាតិ២ ម៉ោង មុន

តំបន់ទឹកស្ទឹង ដែលរីងហួតហែងនៅប៉ែកខាងក្រោម ចាប់ផ្ដើមមានទឹកហូរកាត់រឹមៗហើយ

ព័ត៌មានជាតិ២៤ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ២១ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៤ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ១៩ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ២៣ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម