​ផ្លូវល្បឿនលឿន​ភ្នំពេញ-ក្រុងព្រះសីហនុ​ចាប់ផ្ដើមគិតកម្រៃ​ថ្ងៃនេះ​

ក្រសួងសាធារណការ និងដឹកជញ្ជូន​បានប្រកាសថា ​ផ្លូវល្បឿនលឿន​ភ្នំពេញ-ក្រុងព្រះសីហនុ​ចាប់ផ្ដើមគិតកម្រៃ​ចាប់ពីម៉ោង ៧ ព្រឹកថ្ងៃទី ១ ខែវិច្ឆិកា ឆ្នាំ ២០២២នេះតទៅ។

ការបង់ប្រាក់នឹងត្រូវធ្វើឡើង​ តាមចម្ងាយជាក់ស្តែង។ ឧទាហរណ៍​ ចម្ងាយ​ 187.05km «ភ្នំពេញ-ក្រុងព្រះសីហនុ​»

បង់​ 12$ (បានចុះតម្លៃមកត្រឹម 80%រួច) សម្រាប់យានយន្តដែលត្រូវបង់កម្រៃ Type​ “A”ខាងក្រោម៖​

1. រថយន្តប្រភេទគ្រួសារ​ 7កៅអី ចុះក្រោម​

2. រថយន្តផ្ទុកទំនិញ​ ក្រោម 2តោន

3. ទោចក្រយានយន្តកម្លាំង​ចាប់ពី 500cc ឬ​ 27kW ឡើង មាន​បិទ​ លតាបត្រ​ (ស្ទីគ័រ) សម្គាល់អនុញ្ញាតដោយក្រសួង។

តារាងកម្រៃលម្អិតត្រូវគិតតាមចម្ងាយ និងប្រភេទយានយន្ត​ ជាក់ស្តែង​ ដូចមានក្នុងតារាងជូនភ្ជាប់។ តារាងកម្រៃ​ ក៏មានបិទនៅតាមផ្ទាំងព័ត៌មាន ច្រកចេញចូលផ្លូវល្បឿនលឿនផងដែរ។

រាល់យានយន្តចូលប្រើប្រាស់ផ្លូវល្បឿនលឿន​ត្រូវមាន៖

– ផ្លាកលេខសម្គាល់​យានយន្ត​

– ត្រួតពិនិត្យលក្ខណៈបច្ចេកទេស (ឆៀក)​ មានសុពលភាព

– កាតព្វកិច្ចផ្សេងៗតាមច្បាប់ដែលបានកំណត់៕