សេដ្ឋកិច្ច
រោងម៉ាស៊ីនកិនស្រូវធំមួយស្រុកថ្មគោលសម្រេចការនាំចេញអង្ករទៅកាន់ទីផ្សារជិត ៩ ម៉ឺនតោន រយៈពេល ៩ ខែ
លោកឧកញ៉ា ឡាយ ឈុនហួ ម្ចាស់រោងម៉ាស៊ីនកិនស្រូវស៊ីធីរ៉ាយស៍ អ៊ីមផត អិចផត ខូ អិលធីឌី (City Rice Import Export Co., Ltd) បានឱ្យ «កម្ពុជាថ្មី» ដឹងថា សម្រាប់រយៈពេល ៩ ខែដំបូង នៃឆ្នាំ ២០២៥ រោងម៉ាស៊ីនកិនស្រូវរបស់លោកសម្រេចបានការនាំចេញអង្ករទៅកាន់ទីផ្សារចំនួនជិត ៩ ម៉ឺនតោន (៨៩,០០០ តោន) ដែលស្មើនឹងប្រមាណ ១៥% នៃការនាំចេញសរុបរបស់កម្ពុជា។
លោក ឧកញ៉ា ឡាយ ឈុនហួរ បានមានប្រសាសន៍ថា រយៈពេល ៩ ខែ ឆ្នាំ២០២៥ បាននាំចេញអង្ករទៅកាន់ទីផ្សារចំនួន ៨ ម៉ឺន ៩ ពាន់តោន តួលេខនេះបើធៀបទៅនឹងរយៈពេលដូចគ្នាកាលពីឆ្នាំ២០២៤ មានការកើនឡើងប្រមាណ ៤៤% ច្រើនជាងឆ្នាំមុន។
លោកឧកញ៉ា បានបញ្ជាក់ថា៖ «នៅក្នុងឆ្នាំនេះដោយសារតែតម្លៃស្រូវមានការធ្លាក់ចុះ ដូច្នេះចំនួនស្រូវដែលបាននាំចេញជិត ៩ ម៉ឺនតោននេះ សរុបជាទឹកប្រាក់ប្រហែល ៥១ លានដុល្លារ ក្នុងរយៈពេល ៩ ខែ នេះ»។
លោកថា៖ «ការនាំចេញខាងក្រុមហ៊ុនរបស់លោកមានការកើនឡើង គឺដោយសារតែឆ្នំាំនេះមានការបញ្ជាទិញច្រើនប្រទេសម៉ាឡេស៊ី ប្រទេសចិន និងពីបណ្តាប្រទេសនៅអាស៊ីផ្សេងៗ ក៏ដូចជាទីផ្សារថ្មីៗនៅសហរដ្ឋអាមេរិក នៅកាណាដា អូស្ត្រាលី ញ៉ូសេឡែន ក៏មានការកើនឡើង ជាពិសេសពីប្រទេស ការកម្មង់ក៏មានការកើនឡើងច្រើន នៅក្នុងឆ្នាំ២០២៥ នេះ ធៀបនឹងឆ្នាំ២០២៤»។
លោក ឧកញ៉ា ក៏បានបញ្ជាក់ថា ទីផ្សារដែលលោកកំពុងតែសំឡឹងបន្ថែមទៀត ដើម្បីពង្រីកសក្តានុពលសម្រាប់ក្រុមហ៊ុន ក៏ដូចជាប្រទេសទាំងមូល ទី១ គឺផ្តើតទៅលើបណ្តាប្រទេសនៅអាស៊ី ទី២ នៅសហរដ្ឋអាមេរិក និងកាណាដា ទី៣ នៅឌូប៉ៃ គឺសហគមអារ៉ាប់រួមទាំងមូល ក៏ដូចជាបន្ថែមខ្លះទៅលើប្រទេសអាហ្វិក។
តាមរបាយការណ៍របស់អគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់ និងនេសាទ បង្ហាញថា ក្នុងរយៈពេល ៩ ខែ ការនាំចេញកសិផលទៅក្រៅប្រទេស មានបរិមាណសរុប ១១ ១៣១ ៦៨១ តោន ក្នុងនោះផលិតផលដំណាំក្រៅពីស្រូវ-អង្ករចំនួន ៥ ២៨៧ ៣៤៥ តោន ស្រូវចំនួន ៥ ២៤៧ ៩៩២ តោន និងអង្ករចំនួន ៥៩៦ ៣៤៣ តោន ទៅកាន់ទិសដៅ ៨៨ ប្រទេស កើនឡើង ៣០,៤៣% ធៀបនឹងរយៈពេលដូចគ្នានៅឆ្នាំ ២០២៤។
ប្រភពដដែល បង្ហាញថា ការប៉ាន់ស្មានតម្លៃគិតជាទឹកប្រាក់ចំនួន ៣,៨៨ ពាន់លានដុល្លារ ក្នុងនោះការនាំចេញស្រូវមានតម្លៃ ១,០៥ ពាន់លានដុល្លារ និងអង្ករមានតម្លៃជាង ៤៥៥ លានដុល្លារ និងផលិតផលក្រៅពីស្រូវអង្ករជាង ២,៣៧ ពាន់លានដុល្លារ៕
ដោយ៖ ឌិន ថារី
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ