តារាសម្តែងជើងចាស់ Benz Hui ទទួលមរណភាពក្នុងអាយុ ៧៦ ឆ្នាំ

តារាសម្តែងជើងចាស់ហុងកុង Benz Hui ឬទស្សនិកជនស្គាល់ឈ្មោះក្នុងអាជីពសម្ដែងជា លោកអ៊ុំ ហួន ស៊ី លើប៉ុស្តិ៍ទូរទស្សន៍ TVB ត្រូវបានក្រុមគ្រួសាររាយការណ៍ទៅកាន់ប្រព័ន្ធផ្សព្វផ្សាយថា គាត់បានទទួលមរណភាពនៅម៉ោង ២:៣០ ព្រឹក នាថ្ងៃទី ២៨ ខែតុលា ក្នុងអាយុ៧៦ឆ្នាំ ដោយសារជំងឺខ្សោយសរីរាង្គច្រើន ពោលគឺជំងឺមហារីកប្រចាំកាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែតហុងកុង ST Headline បានរាយការណ៍ថា ក្រុមគ្រួសាររបស់តារាសម្ដែងចាស់រូបនេះ បានថ្លែងអំណរគុណដល់មិត្តភក្តិរបស់គាត់ ចំពោះការព្រួយបារម្ភ និងការចូលរួមរំលែកទុក្ខរបស់ពួកគេក្នុងរយៈពេលប៉ុន្មានថ្ងៃកន្លងមកនេះ។ ពួកគេកំពុងរៀបចំពិធីបុណ្យសព ចំណែកឯព័ត៌មានលម្អិតបន្ថែមនឹងត្រូវបានប្រកាសនៅពេលក្រោយ។

លោកអ៊ុំ ហួន ស៊ី ដែលជាតារាសម្ដែងហុងកុង បានបន្សល់ទុកភរិយា Angeli Lung កូនស្រី Charmaine និងកូនប្រសារ Shane Sim។ ក្រុមគ្រួសារនេះបានតាំងទីលំនៅនៅប្រទេសសិង្ហបុរី ហើយនៅឆ្នាំ ២០២០ គាត់បានទៅទស្សនាផ្ទះវីឡាទំហំ ៤ ០០០ ហ្វីតការ៉េរបស់គាត់នៅ Yishun ដែលមានតម្លៃ ៤លានដុល្លារ រួមទាំងការជួសជុលឡើងវិញ។

កាលពីដើមខែមិថុនា អ្នកប្រើប្រាស់អ៊ីនធឺណិតត្រូវបានគេរាយការណ៍ថា គ្រប់គ្នាសុទ្ធតែព្រួយបារម្ភអំពីសុខភាពរបស់គាត់ បន្ទាប់ពីបានកត់សម្គាល់ឃើញថា គាត់ហត់នឿយជាញឹកញាប់ពាក់ព័ន្ធនឹងជំងឺប្រចាំកាយ។

មិត្តភក្តិរបស់គាត់ និងជាអតីតសមាជិកសភា Lee Bee Wah បានសម្តែងការគោរពចំពោះលោក នៅក្នុងការបង្ហោះនៅលើហ្វេសប៊ុកនៅថ្ងៃនេះថា «ពិតជាសោកសៅណាស់ដែលបានបាត់បង់បុរសដ៏អស្ចារ្យម្នាក់។ សូមចូលរួមរំលែកទុក្ខយ៉ាងក្រៀមក្រំបំផុតជាមួយក្រុមគ្រួសារ»៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

G-Dragon ក្លាយជាមនុស្សវ័យក្មេងបំផុត ដែលទទួលបានមេដាយវប្បធម៌ពីរដ្ឋាភិបាលកូរ៉េ