កីឡា

មជ្ឈមណ្ឌលជាតិហ្វឹកហ្វឺនកីឡា ដឹកនាំក្រុមជម្រើសជាតិទៅបរិច្ចាគឈាមជូនកងទ័ព

បានផុស

៧ ខែ មុន

នៅ

ថ្ងៃអង្គារ ១៦ ធ្នូ ២០២៥

ដោយ

មជ្ឈមណ្ឌលជាតិហ្វឹកហ្វឺនកីឡា ដែលគ្រប់គ្រងលើក្រុមជម្រើសជាតិជាច្រើនប្រភេទកីឡាបានដឹកនាំគ្រូបង្វឹក គ្រូជំនួយ កីឡាករ កីឡាការិនីទៅចូលរួមបរិច្ចាគឈាមតបតាមការអំពាវនាវកាលពីពេលថ្មីៗនេះដើម្បីបម្រុងទុកជួយដល់កងទ័ព និងជនស៊ីវិល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពថ្ងៃបរិច្ចាគឈាម

លោក យាន គីស៊ីវត្ថា ប្រធានមជ្ឈមណ្ឌលជាតិហ្វឹកហ្វឺនកីឡា តំណាងលោក ប៉ុន សុខ អគ្គនាយក នៃអគ្គនាយកដ្ឋានកីឡា បានដឹកនាំគ្រូបង្វឹក គ្រូជំនួយ កីឡាករ និងកីឡាការិនី ក្រុមជម្រើសជាតិកម្ពុជា ចូលរួមបរិច្ចាគឈាមដោយស្ម័គ្រចិត្តដើម្បីជាកម្លាំងចិត្តជួយដល់កងទ័ពជួរមុខ និងប្រជាជននៅតាមព្រំដែន។ នេះជាការរួមចំណែករបស់ក្រុមជម្រើសជាតិកម្ពុជាក្នុងការថែរក្សាការពារបូរណភាពទឹកដីកម្ពុជា ប្រយុទ្ធនិងការឈ្លានពានរបស់យោធាថៃ។

ទិដ្ឋភាពថ្ងៃបរិច្ចាគឈាម

បញ្ជាក់ដែរថា ចាប់តាំងពីមានការឈ្លានពានពីប្រទេសសៀមមកលើកម្ពុជាតាំងពីថ្ងៃទី៧ ខែធ្នូ ឆ្នាំ២០២៥ រហូតដល់ពេលនេះនៅមិនទាន់បានបញ្ឈប់នៅឡើយទេ។ តម្រូវការឈាម និងសម្ភារប្រើប្រាស់ គ្រឿងឧបភោគបរិភោគផ្សេងៗទាំងកងទ័ព និងជនភៀសសឹកកំពុងត្រូវការខ្លាំង ស្របពេលប្រជាពលរដ្ឋគ្រប់ទិសទីបានរួមគ្នាស្រស្រាក់ស្រស្រាំដើម្បីបរិច្ចាគជួយគ្នាក្នុងគ្រាលំបាកនេះ។ ការបរិច្ចាគឈាមរបស់ក្រុមជម្រើសជាតិនេះធ្វើឡើងកាលពីថ្ងៃទី១៥ ខែធ្នូ ឆ្នាំ២០២៥ នៅឯសាកលវិទ្យាល័យការពារជាតិ (ស្ថិតក្នុងខណ្ឌឬស្សីកែវ ក្បែរស្ពានអាកាស ឬស្សីកែវ)៕