សេដ្ឋកិច្ច

កម្ពុជារកចំណូលបានជាង $១៤ ពាន់លាន ពីការនាំចេញសម្លៀកបំពាក់នៅរយៈពេល ១១ ខែ

បានផុស

៧ ខែ មុន

នៅ

ថ្ងៃពុធ ២៤ ធ្នូ ២០២៥

ដោយ

កម្ពុជារកប្រាក់ចំណូលបានជាង ១៤,២ ពាន់លានដុល្លារ ពីការនាំចេញវាយនភណ្ឌទៅកាន់ទីផ្សារអន្តរជាតិ នៅក្នុងរយៈពេល ១១ ខែ ឆ្នាំ ២០២៥ កើនឡើង ១៧% ធៀបនឹងរយៈពេលដូចគ្នា នៅឆ្នាំ ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា គិតចាប់ពីខែមករា ដល់ខែវិច្ឆិកា ឆ្នាំ ២០២៥ ការនាំចេញសម្លៀកបំពាក់មានទំហំទឹកប្រាក់ ១០,៤៥ ពាន់លានដុល្លារ កើនឡើង ១៧% ស្បែកជើង ១,៥ ពាន់លានដុល្លារ ២៦,៣៧% និងសម្ភារធ្វើដំណើរ និងកាបូប ១,២ ពាន់លានដុល្លារ កើន ៣,៧១%។

លោក កាំង ម៉ូនីកា អគ្គលេខាធិការរងសមាគមវាយនភណ្ឌ សម្លៀកបំពាក់ស្បែកជើង និងផលិតផលធ្វើដំណើរ (TAFTAC) មានប្រសាសន៍ថា ស្ថានភាពក្នុងវិស័យកាត់ដេររបស់កម្ពុជានៅដំណើរការល្អ បើទោះបីជារងសម្ពាធពីកត្តាខាងក្រៅ ខណៈការប្រកាសដាក់ពន្ធបដិការរបស់ប្រធានាធិបតីអាមេរិកនាពេលកន្លងមកនេះក៏ពុំទាន់មានការបង្ករឱ្យមានការរអាក់រអួលនៅក្នុងវិស័យនេះដែរ។

លោកបណ្ឌិត ជ័យ តិច អ្នកស្រាវជ្រាវការអភិវឌ្ឍសង្គម-សេដ្ឋកិច្ច មានប្រសាសន៍ថា ការនាំចេញក្នុងវិស័យឧស្សាហកម្មរបស់កម្ពុជាមានការកើនឡើង ដូចជាសម្លៀកបំពាក់ និងកម្មន្តសាល កង់ គ្រឿងបង្គុំអគ្គិសនី។

លោកបណ្ឌិត ជ័យ តិច បន្ថែមថា៖ «ការវិនិយោគកើនឡើង និងការនាំចេញក៏កើនឡើង ដោយសារតែការទទួលបាននូវអត្រាពន្ធ ដូចជាអង់គ្លេសដែលយើងនាំចូលគ្រឿងបង្គុំអគ្គិសនី ក៏ដូចជាវាយនភណ្ឌអត្រាសូន្យភាគរយ ហើយរំពឹងថានឹងកើនឡើងបន្ថែមទៀត នៅឆ្នាំខាងមុខ»៕

អត្ថបទ៖ ឡេង ដេត