ព័ត៌មានជាតិ

ឧស្សាហកម្មផលិតឱសថក្នុងស្រុកចំនួន ៤ ពង្រឹងសមត្ថភាពប្រជែងការវាយលុកឱសថនាំចូល

បានផុស

៦ ខែ មុន

នៅ

ថ្ងៃពុធ ១៤ មករា ២០២៦

ដោយ

ក្នុងមួយឆ្នាំៗ ឱសថដែលចរាចរណ៍ក្នុងប្រទេសកម្ពុជាជាង ៩០% ត្រូវបាននាំចូលពីក្រៅប្រទេស។ កម្ពុជាមានសហគ្រាសផលិតឱសថក្នុងស្រុកជាង ១០ កន្លែង។ នេះបើតាមមន្រ្តីក្រសួងសុខាភិបាល ដែលបានរួមចំណែកពង្រឹងនិងពង្រីកឯករាជ្យភាពផ្នែកសុខុមាលភាពក្នុងប្រទេសកម្ពុជា។

សហគ្រាស ប៉េប៉េអឹម

សហគ្រាសផលិតឱសថប៉េប៉េអឹមបានឈរជើងជាង ៣០ ឆ្នាំតាំងពីឆ្នាំ ១៩៩៦ ជាសហគ្រាសផលិតឱសថមុនគេនៅក្នុងប្រទេសកម្ពុជា។

ឱសថរបស់សហគ្រាសប៉េប៉េអឹមក្រៅពីផលិតលក់ចែកចាយនៅក្នុងស្រុក ក៏បានចរាចរណ៍នាំចេញទៅប្រទេសមួយចំនួន ជាពិសេសប្រទេសនៅទ្វីបអាហ្រ្វិក។ គីណាល់ ជាឱសថបំបាត់ការឈឺចាប់ឈានមុខគេដែលពលរដ្ឋស្គាល់ជាទូទៅ ដែលផលិតដោយសហគ្រាសផលិតឱសថប៉េប៉េអឹម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្តល់បទសម្ភាសដល់កម្ពុជាថ្មីនៅក្នុងកម្មវិធី Grow under peace លោកឱសថបណ្ឌិត ហៃ លីអ៊ាង ប្រធានអគ្គនាយក្រុមហ៊ុនផលិតឱសថ ប៉េប៉េអឹមបានឱ្យដឹងថា បច្ចុប្បន្នសហគ្រាសអាចផលិតឱសថបានច្រើនជាង ២០០ មុខ និងកំពុងពង្រីកខ្សែសង្វាក់ផលិតកម្មផលិតឱសថមួយចំនួនផ្សេងទៀតដូចជា ថ្នាំដាក់ភ្នែក តេផ្កាម្រេចដែលជួយបញ្ចេញជាតិពុលក្នុងខ្លួន ទឹកញមកបន្ទំបង្កើតជីវចម្រុះ និងឱសថដែលផលិតចេញពីរុក្ខជាតិខ្មែរ ដូចជា ចេញពីញ និងប្រទាលថ្លើមឆ្កែខ្មៅជាដើម។

សហគ្រាសផលិតឱសថអឺហ្វាក់

សហគ្រាសផលិតឱសថអឺហ្វាក់ បានចាប់ផ្តើមដំណើរការផលិតឱសថអំឡុងឆ្នាំ ២០០៣។ ចក្ខុវិស័យរបស់សហគ្រាសក្នុងស្រុកនេះគឺចូលរួមលើកកម្ពស់សុខុមាលភាពដល់ប្រជាជនកម្ពុជា។

សហគ្រាសផលិតឱសថ ជា ចំណាន

សហគ្រាសផលិតឱសថ ជា ចំណាន ក៏បានចូលរួមអភិវឌ្ឍឧស្សាហកម្មផលិតឱសថក្នុងប្រទេសកម្ពុជាជាង ២០ ឆ្នាំមកហើយ។ សហគ្រាសមានផលិតឱសថដូចជា ថ្នាំក្តៅខ្លួន សេរ៉ូក្អក ថ្នាំបៀមបំបាត់ឈឺក ថ្នាំទម្លាក់ព្រូន សរុបច្រើនជាង ២៥៥ ប្រភេទ។

លោក ជា ចំណាន ម្ចាស់សហគ្រាសផលិតឱសថ ជា ចំណាន បានប្រាប់សារព័ត៌មានក្នុងស្រុកមួយថា សហគ្រាសមានផែនការជំរុញការផលិតឱសថជាច្រើនមុខថែមទៀតដូចជា ថ្នាំដុសធ្មេញ សាប៊ូដុសខ្លួន បំពង់ហឺត និងប្រេងខ្យល់ជាដើម។

សហគ្រាស អាយលែន ឡាបូរ៉ាទ័រ

សហគ្រាស អាយលែន ឡាបូរ៉ាទ័រ បានបើករោងចក្រផលិតឱសថនៅចុងឆ្នាំ ២០២៥ គោលដៅពង្រឹងឧស្សាហកម្មផលិតឱសថតាមស្តង់ដារអន្តរជាតិ។

លោក ជា នៀបយ៉ានិត នាយកប្រតិបត្តិ (CEO) នៃសហគ្រាស អាយលែន ឡាបូរ៉ាទ័រ បានរំលឹកពីការបង្កើតសហគ្រាសនេះ ដើម្បីពង្រឹងអត្តសញ្ញាណផលិតផលខ្មែរ និងជួយប្រជាជនខ្មែរឱ្យទទួលបានឱសថមានគុណភាពខ្ពស់ និងមានតម្លៃសមរម្យ៕