ព័ត៌មានអន្ដរជាតិ

អាមេរិកបង្កើនការតាមដានឃ្លាំមើលសកម្មភាពគ្រឿងញៀន នៅម៉ិកស៊ិក និង អាមេរិកឡាទីន

បានផុស

៤ ខែ មុន

នៅ

ថ្ងៃអាទិត្យ ១៨ មករា ២០២៦

ដោយ

រដ្ឋបាលអាកាសចរណ៍សហព័ន្ធសហរដ្ឋអាមេរិក (FAA) បានចេញសេចក្តីជូនដំណឹងដល់ក្រុមហ៊ុនអាកាសចរណ៍របស់ប្រទេសម៉ិកស៊ិក និងបណ្តាប្រទេសអាមេរិកភាគកណ្តាលមួយចំនួនទៀត គប្បីមានការប្រុងប្រយ័ត្នខ្ពស់ចំពោះសកម្មភាពយោធារបស់ខ្លួន ដោយយកលេសថា វាគ្រាន់តែការរុករកគ្រឿងញៀន នៅតំបន់អេក្វាទ័រ (អាមេរិកខាងត្បូង) និងកូឡុំប៊ី ប៉ុណ្ណោះ។

លោក Sean Duffy រដ្ឋលេខាធិការដឹកជញ្ជូនរបស់សហរដ្ឋអាមេរិក។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

FAA ចាប់តាំងពីថ្ងៃសុក្រ បានចេញផ្សាយការព្រមានជាបន្តបន្ទាប់ ចំពេលដែលការបង្កើនកម្លាំងយោធាអាមេរិក កំពុងបន្តនៅក្នុងតំបន់អាមេរិកឡាទីន រួមទាំងការវាយប្រហារដោយយោធាអាមេរិកលើប្រទេសវ៉េណេស៊ុយអេឡា។

ជាពិសេស ការព្រមានរបស់ប្រធានាធិបតីសហរដ្ឋអាមេរិក លោក ដូណាល់ ត្រាំ ចំពោះគុយបា ពីការគំរាមកំហែដល់ការវាយប្រហារប្រឆាំងនឹងក្រុមជួញដូរគ្រឿងញៀននៅក្នុងប្រទេសម៉ិកស៊ិក និងកូឡុំប៊ី ដែលបន្សល់ទុកជាច្រើននៅក្នុងតំបន់។

មិនតែប៉ុណ្ណោះ FAA បានចេញការព្រមានពីស្ថានភាពដែលអាចមានគ្រោះថ្នាក់ នៅក្នុងតំបន់មួយចំនួន រួមទាំងផ្នែកខាងលើនៃមហាសមុទ្រប៉ាស៊ីហ្វិក និងឈូងសមុទ្រកាលីហ្វ័រញ៉ា [California] ដែលត្រូវបានគេស្គាល់ថាជាសមុទ្រ Cortes ។

គួរឱ្យដឹងផងដែរថា FAA ចេញសេចក្តីព្រមានកាលពីថ្ងៃសុក្រ វាមានរយៈពេល ៦០ថ្ងៃ។

យោងតាម Al Jazeera ឱ្យដឹងថា បន្ទាប់ពីការវាយប្រហារថ្ងៃទី៣ ខែមករា របស់យោធាអាមេរិកលើរដ្ឋ ការ៉ាកាស និងការចាប់ខ្លួនប្រធានាធិបតី វ៉េណេស៊ុយអេឡា លោក ម៉ាឌូរ៉ូ និងភរិយា លោក ត្រាំ បានលើកឡើងពីលទ្ធភាពនៃសកម្មភាពយោធាផ្សេងទៀតនៅក្នុងតំបន់ រួមទាំងប្រឆាំងនឹងប្រទេសកូឡុំប៊ីផងដែរ។

គួរឱ្យដឹងផងដែរ លោក ត្រាំ បានលើកឡើងកាលពីសប្តាហ៍មុនថា ក្រុមជួញដូរគ្រឿងញៀនកំពុងដំណើរការក្នុងប្រទេសម៉ិកស៊ិក ហើយសហរដ្ឋអាមេរិក ឥឡូវនេះនឹងចាប់ផ្តើមវាយលុកក្នុងប្រទេសនេះ ដើម្បីប្រយុទ្ធប្រឆាំងនឹងពួកគេ ជាពិសេសការដាក់ពង្រាយកម្លាំងយោធាអាមេរិកជាបន្តបន្ទាប់ ដើម្បីប្រឆាំងនឹងក្រុមអ្នកជួញដូរគ្រឿងញៀន៕

ប្រែសម្រួល៖ ណឺ មិនា