ភឹម ស្រីនោ រំពឹងទទួលបានការគាំទ្រពីទស្សនិកជន ខណ:ភាពយន្តដំបូងរបស់ខ្លួនត្រៀមចាក់បញ្ចាំង

អតីតបវរកញ្ញា ភឹម ស្រីនោ ដែលជាម្ចាស់មកុដក្នុងកម្មវិធី Miss Grand Cambodia 2023 បានបង្ហាញអារម្មណ៍រំភើប ខណ:ដែលជាយន្តដែលនាងចូលខ្លួនថតជាលើកដំបូងត្រៀម និងចាក់បញ្ចាំងជាផ្លូវការក្នុងពេលឆាប់ៗខាងមុខនេះ ពោលគឺអំឡុងដើម ខែកុម្ភ: ឆ្នាំ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នាដែលភាពយន្តដំបូងរបស់ខ្លួនត្រៀមនឹងចាក់បញ្ចាំងនាពេលខាងមុខនេះដែរ តារាស្រីកញ្ញា ភឹម ស្រីនោ បានដាក់ក្តីរំពឹងថាអាចទទួលបានការគាំទ្រពីច្រើនពីទស្សនិកជន ខណ: ស្រីនោ ក៏បានស្នើសុំមហាជនគាំទ្រ និងលើកទឹកចិត្តដល់នាងព្រមទាំងតារាប្រុសស្រីឯទៀតផងដែរ។

អីតីតម្ចាស់មកុដក្នុងកម្មវិធី Miss Grand Cambodia 2023 រូបនេះ បានបញ្ជាក់ឱ្យដឹងថា “ភាពយន្តថ្មី និងជាលើកទីមួយសម្រាប់នាងខ្ញុំ ស្រីនោ គ្រោងនឹងចាក់បញ្ជាំងក្នុងពេលឆាប់ៗនេះជួបគ្នាថ្ងៃទី១៣ ខែកុម្ភៈ ២០២៦ ខាងមុខ”។ភាពយន្តដំបូងដែលកញ្ញា ភឹម ស្រីនោ ចាប់ឱកាសថតសម្តែងគឺរឿង “អាគារលស់ព្រលឹង” ។

សូមបញ្ជាក់ដែរថា មកដល់ពេលនេកញ្ញា ភឹម ស្រីនោ នៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជាខណ:ដែលកន្លងទៅនាងបាននាំយកឈុតតំណាងជាតិទៅបង្ហាញនៅលើឆាកអន្តរជាតិដើម្បីឲ្យពិភពលោកបានស្គាល់កាន់តែច្បាស់នូវអរិយធម៌វប្បធម៌របស់ប្រទេសកម្ពុជា៕ដោយ: ចាន់រ៉ា