សេចក្តីក្រើនរំលឹក និងជូនដំណឹងជាថ្មីដល់ម្ចាស់បំណុល – ការអញ្ជើញម្ចាស់បំណុលដាក់ពាក្យទាមទារបំណុល

សូមជម្រាបជូនដល់ម្ចាស់បំណុលទាំងអស់ របស់ធនាគារមេគង្គកម្ពុជា មហាជនទទួលខុសត្រូវមានកម្រិត (CMB) ឱ្យបានជ្រាបថា យើងខ្ញុំ បានធ្វើការប្រកាសជូនដំណឹងជាច្រើនលើកមកហើយតាមរយៈប្រព័ន្ធផ្សព្វផ្សាយផ្សេងៗ។ ដោយឡែក ដើម្បីផ្តល់ឱកាសជូនម្ចាស់បំណុលដែលមិនទទួលបានដំណឹង និងមិនទាន់បានដាក់ពាក្យស្នើសុំទាមទារបំណុល យើងខ្ញុំ សូមធ្វើការក្រើនរំលឹក និងជូនដំណឹងបន្ថែមទៀត។ អាស្រ័យហេតុនេះ សូមម្ចាស់បំណុលទាំងអស់ដែលមិនទាន់ដាក់ពាក្យស្នើសុំ មេត្តាដាក់ពាក្យជាលាយលក្ខណ៏អក្សរដោយបញ្ជាក់ឱ្យបានច្បាស់អំពីលក្ខណៈបំណុល ចំនួនទឹកប្រាក់ដែលនៅសល់ និងភ្ជាប់មកជាមួយឯកសារគាំទ្រពាក់ព័ន្ធ (ដូចជា បញ្ជីគណនី ឬភស្តុតាងផ្សេងៗ) ក្នុងរយៈពេល ៣០ថ្ងៃនៃថ្ងៃធ្វើការ ដោយគិតចាប់ពីកាលបរិច្ឆេទនៃការផ្សាយសេចក្តីក្រើនរំលឹក និងជូនដំណឹងជាថ្មីនេះតទៅ។
 
សូមដាក់ពាក្យទាមទារបំណុលមកកាន់៖
អ្នកជម្រះបញ្ជី៖ ក្រុមហ៊ុន រីចឆ៍ & ផាតនើរ
អាសយដ្ឋាន៖ #២២៨៣ ផ្លូវលេខ១៩៧០ ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ
Tel: 023 230 333
អ៊ីមែល៖ [email protected] / [email protected]
[email protected] / [email protected]