អាជ្ញាធរខណ្ឌកំបូល សហការជាមួយអាជ្ញាធរសង្កាត់ភ្លើងឆេះរទេះចុះសម្អាតបរិស្ថានក្នុងមូលដ្ឋាន

ដោយអនុវត្តតាមការណែនាំ លោក ឃឹម ស៊ុនសូដា អភិបាល នៃគណ:អភិបាលខណ្ឌកំបូល លោក ទ្រី ណារ៉េត អភិបាលរង ទទួលបន្ទុកការងារសាធារណះការ និងបរិស្ថាន អនាម័យ ខណ្ឌកំបូល ​ កាលពីថ្ងៃទី០១ ខែកុម្ហ: ឆ្នាំ២០២៦ នេះបានដឹកនាំមន្រ្តីរដ្ឋបាលខណ្ឌកំបូល និងចូលរួមសហការជាមួយ លោកស៊ិន វុទ្ធី ចៅសង្កាត់ភ្លើងឆេះរទេះ ចុះសម្អាតបរិស្ថាន អនាម័យ  និងស្ការព្រៃ តាមបណ្តាយផ្លូវបេតុងធំ ចាប់ពីព្រំប្រទល់ ភូមិព្រៃរងៀង ដល់ ភូមិភ្លើងឆេះរទេះលិច និង ភ្លើងឆេះរទេះកើត សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានឲ្យដឹងថា​ ដោយឃើញថាមានពលរដ្ឋមួយចំនួនមិនទាន់ជួយថែរក្សាបរិស្ថាន​ អនាម័យបានល្អ​ បោះចោលសំរាមគ្មានសណ្តាប់ធ្នាប់​ ធើ្វឲ្យប៉ះពាល់ដល់បរិស្ថាន​ គ្មានសោភ័ណភាពទីក្រុងស្អាត​ ទើបមានការដឹកនាំដោយលោក​ ទ្រី​ សារ៉េត​ អភិបាលរងខណ្ឌចុះសហការជាមួយលោកចៅង្កាត់ភ្លើងឆេះរទេះ​ និងមន្ត្រីក្រោមឱវាទចុះសម្អាតបរិស្ថានខាងលើ។

ជាមួយគ្នានោះផងដែរ​ លោកទ្រី ណារ៉េត អភិបាលរង ទទួលបន្ទុកសាធារណ:ការបរិស្ថាន អនាម័យ ខណ្ឌកំបូល ក៏បានជម្រាបជូនដល់ប្រជាពលរដ្ឋរស់នៅបណ្តាយផ្លូវបេតុងធំ ដើម្បីចូលរួមសហការសម្អាតបរិស្ថាន អនាម័យ  វេចខ្ចប់សំរាមឱ្យបានត្រឹមត្រូវ  ទុកដាក់សំរាមឱ្យបានស្អាត និងងាយស្រួលក្រុមការងារឡានសំរាមចុះប្រមូលសំរាមជូនឲ្យបានស្អាតក្នុងមូលដ្ឋានភូមិនីមួយៗ។ អាជ្ញាធរសង្ឃមថាប្រជាពលរដ្ឋនិងជួយសម្អាតបរិស្ថាន​ អនាម័យស្អាតទាំងអស់គ្នា៕ដោយ៖សុខា