កីឡា
ភ្នំពេញក្រោន វិសាខា និង បឹងកេត ស៊ុតរួមគ្នា ៤៥ គ្រាប់ ឡើងវគ្គ ៨ ក្រុម ពានសម្តេចតេជោ
ក្រុមបាល់ទាត់ភ្នំពេញក្រោន វិសាខា និង បឹងកេត បានឡើងវគ្គ ៨ ក្រុមចុងក្រោយ ពានរង្វាន់សម្តេចតេជោ ហ៊ុន សែន លើកទី១៩ បន្ទាប់ពីទទួលបានជ័យជម្នះដោយគ្មានដៃគូណាទម្លាយសំណាញ់ទីរបស់ពួកគេ។
ការប្រកួតវគ្គ ១៦ ក្រុមចុងក្រោយ ភ្នំពេញក្រោន ស៊ុតចូលក្រុម ខេត្តត្បូងឃ្មុំ បានតែ ៣ គ្រាប់ប៉ុណ្ណោះក្នុងជើងទី១ ប៉ុន្តែនៅជើងទី២ ពួកគេ ស៊ុតចូលដល់ទៅ ១០ គ្រាប់។ សរុបទាំងពីរជើងភ្នំពេញក្រោន បានឈ្នះ ១៣-០ ដោយរក្សាសំណាញ់ទីរបស់ខ្លួនយ៉ាងស្អាត។
វិសាខា ជាក្រុមដែលរកបានគ្រាប់បាល់ច្រើនជាងគេគិត្រឹមថ្ងៃទី៤ ខែកុម្ភៈ ឆ្នាំ ២០២៦ បន្ទាប់ពីជើងទី១ ស៊ុតចូល ១៣ គ្រាប់ និងជើងទី២ ស៊ុតចូល ៩ គ្រាប់ដើម្បីទទួលបានជ័យជម្នះ ២២-០ លើក្រុម ភ្នំពេញហ្គាឡាក់ស៊ី។ ពួកគេរក្សាសំណាញ់ទីរបស់ខ្លួនបានយ៉ាងស្អាត។
ចំណែក បឹងកេត វិញរកបានតែ ១ គ្រាប់ប៉ុណ្ណោះក្នុងជើងទី២ នៅពហុកីឡដ្ឋានជាតិអូឡាំពិក លើក្រុម ឡាយអ៊ិនឃីង ខេត្តសៀមរាប ខណៈជើងទី១ ពួកគេរកបាន ៩ គ្រាប់ ដូច្នេះពួកគេបានឈ្នះទាំងពីរជើងដោយលទ្ធផល ១០-០។
សរុបការប្រកួតរបស់ក្រុមទាំង ៣ នៅវគ្គ ១៦ ក្រុមចុងក្រោយទាំងជើងទី១ និងជើងទី២ គឺ មានគ្រាប់បាល់សរុប ៤៥ គ្រាប់ ហើយគ្មានក្រុមណាស៊ុតចូលពួកគេឡើយ។
ការប្រកួតនៅវគ្គ ១៦ ក្រុមចុងក្រោយ មានតែក្រុមព្រះខ័នរាជស្វាយរៀងមួយគត់ដែលត្រូវបានក្រុមមកពីខេត្តគឺ ក្រុមបាត់ដំបង យូណៃធីត ស៊ុតចូល កាលពីជើងទី១។ ពេលនោះ ព្រះខ័នរាជស្វាយរៀង បានឈ្នះ ៥-២ ប៉ុន្តែពួកគេមិនទាន់ប្រកួតជើងទី២ទេ ដោយសារជាប់ភារកិច្ចក្នុងពាន ASEAN Club Championship៕
អត្ថបទ៖ វិរបុត្រ
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៦ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ