សិស្សរៀនបើកបរដៃថ្មី បើករថយន្តធ្លាក់ចូលបឹងឈូក ខណៈពេលគ្រូកំពុងបង្រៀន

រថយន្តបង្រៀនបើកបរដៃទេព ១គ្រឿង ខណៈពេលបើកបរបង្រៀនសិស្ស ក៏ស្រាប់តែរេចង្កូតធ្លាក់ចូលទៅក្នុងបឹងឈូកទាំងកំរោល ប៉ុន្តែសំណាងល្អមិនបានបណ្ដាលអោយរងរបួសនោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កភ្ញាក់ផ្អើលកាលពីវេលាម៉ោង៣ រសៀលថ្ងៃទី១៧ ខែកុម្ភៈ ឆ្នាំ២០២៦ នៅតាមបណ្ដោយផ្លូវ៣០ម៉ែត្រ សង្កាត់ព្រៃស ខណ្ឌដង្កោ រាជធានីភ្នំពេញ។

តាមប្រភពពីកន្លែងកើតហេតុបានគេបានឃើញរថយន្ត ម៉ាក តូយូតា ហាយឡែនឌ័រ ពណ៍ទឹកប្រាក់ ពាក់ស្លាកលេខ ភ្នំពេញ 2W-3166 ជារថយន្តរបស់សាលាបង្រៀនបើកបរ «ដៃទេព» សាខាផ្សារទួលពង្រ។ ដោយធ្វើដំណើរក្នុងទិសដៅពីកើតទៅលិច បើកបរដោយសិស្សដៃថ្មី ចំណែកគ្រូបង្រៀន អង្គុយកៅអីមុខជាមួយគ្នា។ លុះពេលទៅដល់ត្រង់ចំណុចកើតហេតុ ស្រាប់តែរេចង្កូតធ្លាក់ចូលទៅក្នុងទឹកបឹងឈូកនៅជិតផ្លូវ។ ប៉ុន្តែសំណាងល្អរថយន្តមិនក្រឡាប់ ទើបគ្រូនិងសិស្សគ្មានរបួសឡើយ។

ក្រោយពេលកើតហេតុ សមត្ថកិច្ចបានចុះមកសល់ទីតាំង ដោយរថយន្តនោះមិនបង្កការខូចខាត និងរបួសស្នាមដល់អ្នកដទៃ សម្រេចអោយម្ចាស់រថយន្តទាក់ទង រថយន្តស្ទូចចេញពីកន្លែងកើតហេតុជួសជុលដោយខ្លួនឯង៕ អត្ថបទ ៖ រដ្ឋា