ព័ត៌មានអន្ដរជាតិ

អ្នកទោសនយោបាយនៅវ៉េណេស៊ុយអេឡា ធ្វើកូដកម្មអត់អាហារទ្រង់ទ្រាយធំ

បានផុស

៣ ខែ មុន

នៅ

ថ្ងៃចន្ទ ២៣ កុម្ភៈ ២០២៦

ដោយ

យោងតាមសារព័ត៌មាន Yahoo អ្នកទោសនយោបាយវ៉េណេស៊ុយអេឡា ជាង២០០នាក់ បានធ្វើកូដកម្មអត់អាហារកាលពីថ្ងៃអាទិត្យទី២២កុម្ភៈ ដើម្បីទាមទារឲ្យមានការដោះលែងពួកគេ បន្ទាប់ពីវ៉េណេស៊ុយអេឡាចេញច្បាប់លើកលែងទោសថ្មីមួយដែលមិនរាប់បញ្ចូលករណីជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កូដកម្មអត់អាហារបានចាប់ផ្តើមកាលពីយប់ថ្ងៃសុក្រ ស្ថិតនៅក្នុងពន្ធនាគារ Rodeo I នៅជាយក្រុងការ៉ាកាស។ អ្នកទោសបានត្អូញត្អែរថា ពួកគេមិនទទួលបានអត្ថប្រយោជន៍ពីច្បាប់ទាំងនោះទេ ព្រោះវារាប់បញ្ចូលតែករណីពាក់ព័ន្ធនឹងយោធា ដែលជាករណីទូទៅបំផុតនៅក្នុងពន្ធនាគារនោះតែប៉ុណ្ណោះ។

ចំពោះច្បាប់លើកលែងទោសនេះដែរ ត្រូវបានអនុម័តដោយមេដឹកនាំបណ្តោះអាសន្ន លោកស្រី Delcy Rodriguez ក្រោមសម្ពាធពីទីក្រុងវ៉ាស៊ីនតោន បន្ទាប់ពីកងកម្លាំងអាមេរិកបានវាយឆ្មក់ប្រទេសវ៉េណេស៊ុយអេឡា កាលពីថ្ងៃទី ៣ ខែមករា ២០២៦ ដោយចាប់ខ្លួនអតីតប្រធានាធិបតី នីកូឡាស ម៉ាឌូរ៉ូ និងភរិយារបស់គាត់ ហើយនាំពួកគេទៅសហរដ្ឋអាមេរិកដើម្បីកាត់ទោសពីបទជួញដូរគ្រឿងញៀន។

បើទោះជាបែបនេះក្ដី ឥស្សរជនជាច្រើនរូបបានប្រឆាំងនិងរិះគន់ច្បាប់ថ្មី ដែលហាក់ដូចជារួមបញ្ចូលការកាត់ទោសសម្រាប់បទល្មើសមួយចំនួនដែលអាជ្ញាធរធ្លាប់ប្រើ ដើម្បីកំណត់គោលដៅលើគូប្រជែងនយោបាយរបស់លោក ម៉ាឌូរ៉ូ ។ ជាក់ស្ដែង វាមិនអនុវត្តចំពោះអ្នកដែលត្រូវបានចោទប្រកាន់ពីបទផ្សព្វផ្សាយ ឬសម្របសម្រួល សកម្មភាពប្រដាប់អាវុធ ឬបង្ខំ ប្រឆាំងនឹងអធិបតេយ្យភាពក្នុងប្រទេសដោយបុគ្គលជាជនជាតិបរទេសនោះទេ។

ច្បាប់នេះទៀតសោត ក៏មិនរាប់បញ្ចូលសមាជិកនៃកងកម្លាំងសន្តិសុខដែលត្រូវបានកាត់ទោសពីបទធ្វើសកម្មភាពទាក់ទងនឹងអ្វីដែលរដ្ឋាភិបាលចាត់ទុកថា ជាអំពើភេរវកម្ម។ ប៉ុន្តែ ការលើកលែងទោសថ្មីនេះ បានពង្រីកដល់អ្នកទោសនយោបាយចំនួន ១ ១០០០ នាក់ ក្រោយអស់រយៈពេលជិតបីទសវត្សរ៍មកហើយ ត្រូវបានដោះលែង ឬដាក់ឲ្យស្ថិតនៅក្រោមការឃុំខ្លួនក្នុងផ្ទះ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖