កីឡា

កីឡាករ យ៉ុន ខេមរៈ៖ ទីបំផុតខ្ញុំបានជួបនិមិត្តរូបរបស់ខ្ញុំហើយថ្ងៃទី២៥ កុម្ភៈ ២០២៦

បានផុស

២ ខែ មុន

នៅ

ថ្ងៃអង្គារ ២៤ កុម្ភៈ ២០២៦

ដោយ

កីឡាករឆ្នើមរបស់ក្រុមបាល់ទះស្នងការ ន.ប រាជធានីភ្នំពេញ យ៉ុន ខេមរៈ បានបង្ហោះនៅហ្វេសបុកផេករបស់ខ្លួនថា ទីបំផុតរូបគេបានប៉ះកីឡាករនិមិត្តរូបរបស់ខ្លួនហើយនៅថ្ងៃទី២៥ ខែកុម្ភៈ ឆ្នាំ២០២៦ ក្នុងវគ្គ ៨ក្រុមចុងក្រោយពានរង្វាន់សម្ដេច ក្រឡាហោម លើកទី៤ នេះ។

កីឡាករ យ៉ុន ខេមរៈ

យ៉ុន ខេមរៈ បង្ហោះលើកឡើងនេះក្នុងន័យត្រេកអរដែលបានជួបជើងខ្លាំងប្រចាំប្រទេស និងជាកីឡាករដែលខ្លួនស្រឡាញ់ចូលចិត្តតែងតែយកគំរូតាមនោះគឺរៀមច្បង សួន ចាន់ណារ៉ូ។ រូបគេបានបន្លុយពាក្យទៀតថា «ក្មេងដើរលឿនតែចាស់ស្គាល់ផ្លូវ» និងពាក្យ «រលកក្រោយច្រានរលកមុន» ថែមទៀតផង។ ដូច្នេះក្នុងន័យនេះរូបគេចង់បញ្ជាក់ថាខ្លួនឯងក្មេងៗនៅពេលនេះអាចមានសមត្ថភាពលេងឈ្នះរៀមច្បងរលកមុនបានទេនៅការប្រកួតវគ្គចាញ់ធ្លាក់ ៨ក្រុមចុងក្រោយនេះ។

កីឡាករ សួន ចាន់ណារ៉ូ

យ៉ាងណាជំនួបរវាងស្នងការ ន.ប រាជធានីភ្នំពេញ និងស្នងការ ន.ប ខេត្តស្វាយរៀង នៅវគ្គ ៨ក្រុមចុងក្រោយនេះបានធ្វើឲ្យអ្នកតាមដានហាក់ស្ដាយជាខ្លាំង និងមិនចង់ឲ្យប៉ះគ្នានៅក្នុងវគ្គនេះឡើយ។ ព្រោះការប៉ះគ្នារវាងក្រុមទាំងពីរនឹងមានម្នាក់ធ្លាក់ត្រឹមនេះហើយ។ រង់ចាំមើលទាំងអស់គ្នារវាងក្រុមខ្លាំងកំពុងឡើងថ្វីដៃ ស្នងការ ន.ប រាជធានីភ្នំពេញ របស់ យ៉ុន ខេមរៈ ឬក្រុមស្នងការ ន.ប ខេត្តព្រៃវែង របស់ សួន ចាន់ណារ៉ូ ជាអ្នកមានវាសនាឡើងទៅវគ្គពាក់កណ្ដាលផ្ដាច់ព្រ័ត្របន្តនៃពានរង្វាន់សម្ដេច ក្រឡាហោម លើកទី៤ ឆ្នាំ២០២៦ ដែលកំពុងធ្វើការប្រកួតនៅពេលនេះ៕

អត្ថបទដោយ៖ នួន ស៊ីណា