កីឡា
កម្ពុជា កាន់តែឃើញពន្លឺបំបែកកំណត់ត្រាចំនួនអ្នកគាំទ្រផ្ទាល់ ពាន AFC Challenge League វគ្គ ៨ ក្រុមចុងក្រោយ
ក្នុងវគ្គ ៨ ក្រុមចុងក្រោយពានរង្វាន់ AFC Challange League កាលពីរដូវកាលមុន ២០២៤-២០២៥ កម្ពុជា ជាប់លេខ ២ ដែលមានអ្នកគាំទ្រចូលទស្សនានៅកីឡដ្ឋានផ្ទាល់ច្រើនបំផុត ខណៈរដូវកាល ២០២៥-២០២៦ នេះ ក្រុម កម្ពុជា ២ គឺព្រះខ័នរាជស្វាយរៀង និង ភ្នំពេញក្រោន ត្រូវជួបគ្នាវគ្គ ៨ ក្រុមចុងក្រោយ ដែលសុទ្ធតែធ្វើនៅទឹកដីកម្ពុជា។
កាលពីរដូវកាលមុន អំឡុងការប្រកួត ព្រះខ័នរាជស្វាយរៀង បើកទ្វារកីឡដ្ឋានជាតិមរតកតេជោទទួលក្រុមភ្ញៀវ Shan United នាថ្ងៃទី ៦ ខែ មីនា ឆ្នាំ ២០២៥ គឺ កម្ពុជា ជាប់លេខ ២ មានអ្នកគាំទ្រចូលទស្សនានៅកីឡដ្ឋានផ្ទាល់ច្រើនបំផុតក្នុងការប្រកួតវគ្គ ៨ ក្រុមចុងក្រោយពាន ACGL ដោយមានអ្នកទស្សនាចំនួន ១៥.៧៧៨ នាក់។ បញ្ជាក់ផងដែរ នៅក្នុងការប្រកួតទាំង ២ ជើងក្នុងវគ្គ ៨ ក្រុម ព្រះខ័នរាជស្វាយរៀង បានយកឈ្នះក្រុម Shan United ក្នុងលទ្ធផល ៧-៤។
ដោយឡែកការប្រកួត ក្រុមរបស់ប្រទេសឥណ្ឌា East Bengal ទទួលស្វាគមន៍ក្រុម AK Arkadag របស់ តួកមេនីស្ថាន នៅថ្ងៃទី ៥ ខែ មីនា ឆ្នាំ ២០២៥ បានជាប់លេខ ១ មានអ្នកគាំទ្រចូលទស្សនានៅកីឡដ្ឋានផ្ទាល់ច្រើនបំផុតក្នុងការប្រកួតវគ្គ ៨ ក្រុមចុងក្រោយពាន ACGL ដោយមានអ្នកទស្សនាផ្ទាល់ចំនួន ២៥.៤៩៧ នាក់។
ទាំងនេះជាកំណត់ត្រាកាលពីវគ្គ ៨ ក្រុមចុងក្រោយពាន ACGL កាលពីរដូវមុន ២០២៤-២០២៥ ដែលមានអ្នកទស្សនាផ្ទាល់ច្រើនបំផុត។ យ៉ាងណា នៅរដូវកាលនេះ កម្ពុជា កំពុងមានភាគរយនឹងអាចបំបែកកំណត់ត្រារបស់ក្រុម ឥណ្ឌា ដោយសារក្រុម កម្ពុជា គឺព្រះខ័នរាជស្វាយរៀង និង ភ្នំពេញក្រោន ត្រូវជួបគ្នា ២ ជើងនៅទឹកដី កម្ពុជា ក្នុងវគ្គ ៨ ក្រុមចុងក្រោយនេះ។
ជើងទី ១ ភ្នំពេញក្រោន ត្រូវបើកទ្វាពហុកីឡដ្ឋានជាតិអូឡាំពិក ទទួលស្វាគមន៍ក្រុម ព្រខ័នរាជស្វាយរៀង នៅថ្ងៃទី ៥ ខែ មីនា ឆ្នាំ ២០២៦។ ចំណែកការប្រកួតជើងទី ព្រះខ័នរាជស្វាយរៀង ត្រូវបើកទ្វាកីឡដ្ឋានពហុកីឡដ្ឋានជាតិមរតកតេជោ នៅថ្ងៃទី ១២ ខែ មីនា ឆ្នាំ ២០២៦។
គិតត្រឹមព្រឹកថ្ងៃទី៣ ខែមីនា ឆ្នាំ ២០២៦ ក្លិបបាល់ទាត់ភ្នំពេញក្រោន បានធ្វើបច្ចុប្បន្នភាពពីសំបុត្រគឺ ចំនួន ១០០០០ សន្លឹក (១ម៉ឺនសន្លឹក) ត្រូវបានលក់អស់ ហើយនេះជាការធ្វើបច្ចុប្បន្នភាពសំបុត្រលើកទី៣។ លើកទី១ កាលពីថ្ងៃទីថ្ងៃទី១៨ ខែកុម្ភៈ ក្លិបបានប្រកាសពីការលក់សំបុត្របឋមចំនួន ៣៥០០ សន្លឹកអស់ និងលើកទី២ កាលពីថ្ងៃទី២៨ ខែកុម្ភៈ សំបុត្រចំនួន ៦០០០ សន្លឹកត្រូវបានលក់អស់។ ដូច្នេះគិតមកដល់ពេលនេះ សំបុត្រប្រហែលជាជាង ១ ម៉ឺនសន្លឹកហើយត្រូវបានលក់អស់ ខណៈការប្រកួតនៅសល់ ៣ ថ្ងៃទៀត។ តើអាចទេ កម្ពុជា បំបែកកំណត់ត្រាចំនួនអ្នកគាំទ្ររបស់ប្រទេសឥណ្ឌា កាលពីរដូវកាលមុន?
កុំភ្លេចណា ចូលរួមគាំទ្រក្លិបបាល់ទាត់កម្ពុជាយើងទាំង ២ ទាំងអស់គ្នា ដើម្បីបំបែកកំណត់ត្រាជាប្រវត្តិសាស្ត្រនៅក្នុងប្រពានរង្វាន់ AFC Challenge League នេះ។
ខាងក្រោមនេះជាកំណត់ត្រាអ្នកគាំទ្រចូលទស្សនាផ្ទាល់វគ្គ៨ក្រុមចុងក្រោយពាន ACGL កាលពីរដូវកាលមុន៖
- Al-Arabi ១-០ Al-Seeb មាន អ្នកទស្សនា ៤.៣២៧នាក់ ថ្ងៃទី៥ មីនា ២០២៥ នៅគុយវែត
- Al-Seeb ២-២ Al-Arabi មាន អ្នកទស្សនា ៤.៣៨៧នាក់ ថ្ងៃទី១២ មីនា ២០២៥ នៅអូម៉ង់
- East Bengal ០-១ Arkadag មាន អ្នកទស្សនា ២៥.៤៩៧នាក់ ថ្ងៃទី៥ មីនា ២០២៥ នៅឥណ្ឌា
- Arkadag ២-១ East Bengal មាន អ្នកទស្សនា ១០.០០០នាក់ ថ្ងៃទី១២ មីនា ២០២៥ នៅតួកមេនីស្ថាន
- ព្រះខ័នរាជស្វាយរៀង ៦-២ Shan United មាន អ្នកទស្សនា ១៥.៧៧៨នាក់ ថ្ងៃទី៦ មីនា ២០២៥ នៅកម្ពុជា
- Shan United ២-១ ព្រះខ័នរាជស្វាយរៀង មាន អ្នកទស្សនា ៥៥០នាក់ ថ្ងៃទី១៣ មីនា ២០២៥ នៅមីយ៉ាន់ម៉ា
- Tainan City ០-០ Madura United មាន អ្នកទស្សនា ៨៩២នាក់ ថ្ងៃទី៦ មីនា ២០២៥ នៅតៃវ៉ាន់
- Madura United ៣-០ Tianan City មាន អ្នកទស្សនា ១.៣៧៩នាក់ ថ្ងៃទី១៣ មីនា ២០២៥ នៅឥណ្ឌូណេស៊ី
អត្ថបទ៖ សេម កុសល
-
ព័ត៌មានជាតិ២ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានជាតិ២ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម១ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៤ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច៣ ថ្ងៃ agoកម្ពុជារកចំណូលបាន ១៥៤ លានដុល្លារ ពីការនាំចេញជ័រកៅស៊ូនៅរយៈពេល ៤ ខែ