ព័ត៌មានអន្ដរជាតិ

អ្នកជំនាញ៖ មានតែដ្រូនអ៊ុយក្រែនទេ ដែលអាចតតាំងជាមួយដ្រូន Shahed រាប់ម៉ឺនគ្រឿងរបស់អ៊ីរ៉ង់

បានផុស

២ ខែ មុន

នៅ

ថ្ងៃសៅរ៍ ៧ មីនា ២០២៦

ដោយ

អ្នកជំនាញប៉ាន់ស្មានថា អ៊ីរ៉ង់មានយន្តហោះគ្មានមនុស្សបើក (ដ្រូន) ម៉ាក Shahed រាប់ម៉ឺនគ្រឿងឯណោះ។ វីដេអូដែលចេញផ្សាយថ្មីៗនេះ ដោយប្រព័ន្ធផ្សព្វផ្សាយអ៊ីរ៉ង់ហាក់ដូចជាបង្ហាញពីការផ្គត់ផ្គង់យ៉ាងច្រើនក្នុងរោងចក្រផលិតនៅឯក្រោមដី ជាសញ្ញាមួយឱ្យដឹងថា អ៊ីរ៉ង់អាចដាក់ពង្រាយអាវុធទាំងនោះ នាពេលដ៏ខ្លីខាងមុខ។ នេះបើយោងតាម Al Jazeera ចុះផ្សាយនៅថ្ងៃទី០៦ ខែមីនា ឆ្នាំ២០២៦ ។

ដ្រូន Shahed-136 (Geran-2) របស់រុស្ស៊ីដែលអ៊ុយក្រែនបាញ់បាន។ រូបភាព៖ Reuters

ក្នុងសង្គ្រាមរយៈពេលជាង១សប្តាហ៍មកនេះ ដ្រូនជាច្រើនគ្រឿងត្រូវបានប្រើប្រាស់ដើម្បីវាយប្រហារនៅប្រទេសក្នុងតំបន់នៅមជ្ឈិមបូព៌ាក្នុងសប្តាហ៍នេះ។

ទីក្រុងតេហេរ៉ង់អះអាងថា កំពុងវាយប្រហារសម្ភារៈយោធារបស់សហរដ្ឋអាមេរិកនៅតំបន់ទាំងអស់នោះដែលជាការសងសឹក បន្ទាប់ពីសហរដ្ឋអាមេរិក និងអ៊ីស្រាអែលបើការវាយប្រហារលើខ្លួន រហូតមកដល់ពេលនេះបានសម្លាប់មនុស្សជាង ១៣០០នាក់ និងបានធ្វើឃាតមេដឹកនាំកំពូលរបស់អ៊ីរ៉ងថែមទៀតផង។

ចំណែកនៅអ៊ុយក្រែន បច្ចេកវិទ្យាយន្តហោះគ្មានមនុស្សបើក (ដ្រូន) ត្រូវបានប្រើប្រាស់នៅលើសមរភូមិចាប់តាំងពីការឈ្លានពានទ្រង់ទ្រាយធំរបស់រុស្ស៊ីចាប់ផ្តើមកាលពី៤ឆ្នាំមុន។

ពេលដែលដ្រូនដែលរចនាដោយអ៊ីរ៉ង់លេចឡើង នៅលើមេឃក្នុងជម្លោះកំពុងរីករាលដាលពាក់ព័ន្ធនឹងសហរដ្ឋអាមេរិក អ៊ីស្រាអែល និងអ៊ីរ៉ង់ ទីក្រុងកៀវកំពុងលេចចេញជាប្រភពនៃដំណោះស្រាយម្នាក់។

ការវាយប្រហារថ្មីៗនេះនៅទូទាំងឈូងសមុទ្ររកឃើញថាមីស៊ីលការពារដែនអាកាសរាប់លានដុល្លារត្រូវបានប្រើប្រាស់ ដើម្បីបំផ្លាញដ្រូនម៉ាក Shahed របស់អ៊ីរ៉ង់មានតម្លៃមិនលើសពី ៥០ ០០០ដុល្លារនោះទេ។

ចម្លើយរបស់អ៊ុយក្រែនគឺមានប្រព័ន្ធមួយចាំបាច់ ដោយប្រើប្រាស់ដ្រូនស្ទាក់ចាប់ដ្រូនផ្សេងទៀត រចនាឡើងដែលអាចបុកគ្នានៅលើអាកាសជាមួយសមត្ថភាពដ៏អស្ចារ្យ មានតម្លៃត្រឹមតែមួយភាគតូចមួយប៉ុណ្ណោះ បើធៀបនឹងតម្លៃដ្រូនរបស់អ៊ីរ៉ង់។

នៅថ្ងៃសៅរ៍ សង្គ្រាមអ៊ីរ៉ង់បានចាប់ផ្តើមពេលអ៊ុយក្រែន និងរុស្ស៊ីត្រូវ គ្រោងនឹងជួបគ្នាចរចាសន្តិភាព ជុំមួយទៀតនៅទីក្រុងអាប៊ូដាប៊ី។

នៅថ្ងៃបន្ទាប់ យន្តហោះគ្មានមនុស្សបើក Shahed-១៣៦ រចនាដោយអ៊ីរ៉ង់បានវាយប្រហារប្រទេសនានា រួមមានប្រទេសអារ៉ាប៊ីសាអូឌីត បារ៉ែន កាតា និងអារ៉ាប់រួម។

យោងតាមក្រសួងការពារជាតិនៅតំបន់ឈូងសមុទ្រ គិតត្រឹមថ្ងៃទី៥ ខែមីនា ដ្រូនចំនួន ១ ០៧២គ្រឿង ត្រូវបានរកឃើញនៅលើទឹកដីអារ៉ាប់រួម ដែលក្នុងនោះ ១ ០០១គ្រឿង ត្រូវបានស្ទាក់ចាប់។

ប្រទេសកាតារាយការណ៍ថា ដ្រូនចំនួន ៣៩គ្រឿងត្រូវបានរកឃើញ និង ២៤គ្រឿងត្រូវបានស្ទាក់ចាប់ ខណៈប្រទេសបារ៉ែននិយាយថា ខ្លួនបានបំផ្លាញចំនួន ១២៣គ្រឿង។

ប្រទេសគុយវ៉ែតបានត្រួតពិនិត្យ និងស្ទាក់ចាប់ចំនួន ៣៨៤គ្រឿង។

នៅទីនោះហើយ ដែលអ៊ុយក្រែនកំពុងដាក់ពង្រាយបទពិសោធន៍សមរភូមិ និងដ្រូនស្ទាក់ចាប់របស់ខ្លួនជាផ្នែកមួយនៃដំណោះស្រាយ។

យោងតាមអ្នកនាំពាក្យរបស់ Skyfall ជាក្រុមហ៊ុនផលិតឯកជនអ៊ុយក្រែនមួយ ដ្រូនដែលអាចមានសមត្ថភាពជាប្រព័ន្ធស្ទាក់ចាប់នេះ ត្រូវបានដាក់ពង្រាយជាលើកដំបូងប្រហែល៤ខែមុនរួចហើយ៕

ប្រែសម្រួល៖ ណឺ មិនា