នាយ ក្រិន ទទួលថវិការឧបត្ថម្ភពីសម្ដេចតេជោ ហ៊ុន សែន និងសម្ដេចប៊ុន រ៉ានី ចំនួន ២០លានរៀល

តារាកំប្លែងមាឌល្អិត នាយ ក្រិន ដែលកំពុងតែប្រឈមមុខនឹងជំងឺរលាកស្រោមខួរក្បាលធ្ងន់ បានទទួលថវិការឧបត្ថម្ភចំនួន ២០លានរៀល ពីសម្ដេចតេជោ ហ៊ុន សែន និង សម្ដេចប៊ុន រ៉ានី ដើម្បីជួយសម្រួលការខ្វះខាត និងការព្យាបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ឱ្យដឹងរបស់តារាជើងចាស់លោក សាវិន ហ្វីលីព បានរៀបរាប់ថានាយក្រិន ទទួលបានថវិការឧបត្ថម្ភពីសម្ដេចតេជោ ហ៊ុន សែន និង សម្ដេច ប៊ុន រ៉ានី ចំនួន២០លានរៀលព្រឹកនេះគាត់ប្រាប់ខ្ញុំថាគាត់មានអារម្មណ៍ថានឹកឪពុកគាត់ខ្លាំងដែលកំពុងឈីធ្ងន់នៅឯស្រុក គាត់មិនទាន់ដឹងទេថា ពេលនេះឪពុកគាត់បានចែកឋានបាត់ហេីយ។

លោក សាវិន ហ្វីលីព បានឱ្យដឹងថាតារាកំប្លែងនាយ ក្រិនត្រូវបានបញ្ជូនមកសង្គ្រោះបន្ទាន់ដោយសារជំងឺ រលាកស្រោមខួរក្បាលធ្ងន់ធ្ងរខណ:ដែលពេលនេះនាយ ក្រិន កំពុងតែមានទុក្ខជាន់លើទុកបន្ទាប់ពីលោក ឪពុកជាទីស្រលាញ់ក៏បានចែកឋានផងនោះ។

គួរបញ្ជាក់ថា បន្ទាប់បាត់វត្តមានពីសិល្ប:មួយរយ:ធំកន្លងទៅ តារាកំប្លែងមាឌល្អិតកម្សត់ស្នេហ៍នាយ ក្រិន កាលពីថ្មីៗនេះបានបញ្ជាក់ថាបច្ចុប្បន្នលោកកំពុងរស់នៅជាមួយកូនៗទាំង៣នាក់ ឯស្រុកកំណើតខេត្តបាត់ដំបង ដោយប្រកបរបរចិញ្ចឹមមាន់ទាដើម្បីបានប្រាក់កម្រៃចិញ្ចឹមខ្លួននិងកូនៗទាំង៣ ដែលកំព្រាម្តាយ៕ ដោយ: ចាន់រ៉ា