កីឡា

ក្លឹបចំបាប់ព្រះធាតុខេត្តពោធិ៍សាត់ នឹងក្លាយជាកន្លែងឆ្ពោះទៅសម្រេចក្ដីស្រមៃរបស់យុវជនលើ

បានផុស

៤ ខែ មុន

នៅ

ថ្ងៃចន្ទ ២៣ មីនា ២០២៦

ដោយ

ក្លឹបចំបាប់ថ្មីដែលបង្កើតដោយកីឡាករ ហេង វុទ្ធី នៅឯខេត្តពោធិ៍សាត់បានរួចរាល់ហើយ និងមានកុមារថ្នាលមកហ្វឹកហាត់ជាបណ្ដើរៗផងដែរ ខណៈទីតាំងបែបស្ដង់ដាមួយនេះនឹងក្លាយជាកន្លែងជួយឲ្យយុវជនមានទេពកោសល្យឆ្ពោះទៅសម្រេចក្ដីស្រមៃទាំងលើឆាកជាតិ-អន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង វុទ្ធី និងក្មេងៗ

ក្លឹបដែលកសាងដោយកីឡាករចំបាប់ឆ្នើម និងជាជម្រើសជាតិ លោក ហេង វុទ្ធី នេះបានសាងសង់រួចរាល់ហើយនៅពេលនេះ។ ក្លឹបនេះដែរគឺបានការជួយឧបត្ថម្ភទាំងស្រុងពីលោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា។

ក្លឹបដែលចំណាយថវិការាប់ម៉ឺនដុល្លារនេះនឹងក្លាយជាថ្នាលហ្វឹកហាត់បែបស្ដង់ដាមួយជួយបណ្ដុះធនធានកុមារ យុវជន ឲ្យមានសមត្ថភាពខ្លាំងពូកែ និងក្លាយជាធនធាសំខាន់សម្រាប់សហព័ន្ធ និងរួមទាំងប្រទេសជាតិផងដែរ។ ក្លឹបនេះគឺមានសារសំខាន់សម្រាប់ការបណ្ដុះថ្នាល ព្រោះមានទីតាំងល្អត្រឹមត្រូវតាមបែបស្ដង់ដាផង និងមានគ្រូដែលជាកីឡាករអាជីពផងនៅបង្ហាត់។ គ្រូអាជីពមានបច្ចេកទេសច្បាស់លាស់ និងបទពិសោធច្រើនគឺរឹតតែល្អចំពោះថ្នាលដែលមាននិស្ស័យជាមួយកីឡាចំបាប់នេះបានហ្វឹកហាត់ឲ្យមានសមត្ថភាពល្អ និងមានឱកាសបញ្ចេញសមត្ថភាពតាមការប្រកួតផ្លូវការរបស់សហព័ន្ធជាដើម។

លោក ហេង វុទ្ធី និងក្មេងៗ

បញ្ជាក់ដែរថា ក្លឹបចំបាប់ព្រះធាតុគឺបង្កើតឡើងដោយកីឡាករល្បីឈ្មោះខាងចំបាប់ លោក ហេង វុទ្ធី។ ក្លឹបនេះមានទីតាំងនៅភូមិឥន្ទធ្យា ឃុំស្រែស្ដុក ស្រុកកណ្ដៀង ខេត្តពោធិ៍សាត់។ ក្លឹបនេះមានកម្ពស់ ៦ម៉ែត្រ ទទឹង ១៧ម៉ែត្រ បណ្ដោយ ៣៤ម៉ែត្រ និងចាប់សាងសងតាំងពីថ្ងៃ១២ ខែមករា ឆ្នាំ២០២៦ មកម្ល៉េះ។ ក្លឹបនេះមានកុមារៗចូលមកហ្វឹកហាត់ជាបណ្ដើរៗហើយ៕