Update ៖ សពជនរងគ្រោះក្នុងករណីលិចទូក ទាំង៨នាក់នៅសង្កាត់កោះដាច់​ ត្រូវបានរកឃើញអស់ហើយគិតត្រឹមម៉ោង៨ព្រឹកនេះ

ករណីលិចទូកស្មាច់បណ្ដាលឱ្យបាត់ខ្លួនមនុស្សចាស់ និងក្មេងប្រុសស្រី៨នាក់ នៅសង្កាត់កោះដាច់ ត្រូវបានកម្លាំងអាជ្ញាធររុករកទាំងយប់ទាំងថ្ងែ ចាប់តាំងពីថ្ងៃកើតហេតុរហូតមកទល់ពេលនេះ កម្លាំងអាជ្ញាធរបានរកឃើញអស់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ពីលោក ជួន ឧត្តម នាយប៉ុស្តិ៍នរគបាលរដ្ឋបាលកោះដាច់ បានឱ្យដឹងថា នៅលើទូកស្មាច់ដែលបានលិចនោះមានមនុស្សក្មេងចាស់ ប្រុសស្រីរួមដំណើរលើទូកចំនួន ១៣នាក់ ស្រី៧នាក់។

គួររំលឹកផងដែរថា កាលពីវេលាម៉ោង ១០និង៣០នាទីព្រឹក ថ្ងៃទី២៣ ខែមីនា ឆ្នាំ២០២៦ មានករណីលិចទូកស្មាច់កណ្ដាលទន្លេ ក្នុងភូមិក្បាលកោះ សង្កាត់កោះដាច់ ខណ្ឌជ្រោយចង្វារ មានជនរងគ្រោះក្មេងចាស់ ប្រុសស្រីសរុប ១៣នាក់។ ក្នុងនោះមានមនុស្សចំនួន ៥នាក់ ត្រូវបានជួយសង្គ្រោះបានទាន់ពេលវេលា និង មនុស្សក្មេងចាស់ ប្រុសស្រី ៨នាក់ បានស្លាប់ក្នុងហេតុការណ៍លិចទូកស្មាច់ខាងលើនេះ។ ចំពោះមូលហេតុ ដោយសង្ស័យដឹកធ្ងន់ខ្លាំងពេក ព្រោះទូកស្មាច់មានសភាពតូចក៏បណ្ដាលឲ្យលិចទូកតែម្ដង។

បច្ចុប្បន្នសពទាំង៨នាក់ ត្រូវបានបញ្ជូនទៅអាជ្ញាធរឃុំពុកឬស្សី ស្រុកខ្សាច់កណ្តាល ខេត្តកណ្តាល ដើម្បីរៀបចំឯកសារប្រគល់សពជូនក្រុមគ្រួសារសាច់ញាតិយកធ្វើបុណ្យតាមប្រពៃណី៕ ដោយ ៖ អុឹងម៉េង