កីឡា

កីឡាករ ហេង វុទ្ធី៖ គ្មានកន្លែងណាផ្ដល់ភាពកក់ក្ដៅដូចប្រទេសយើងទេ

បានផុស

៣ ខែ មុន

នៅ

ថ្ងៃចន្ទ ៦ មេសា ២០២៦

ដោយ

កីឡាករចំបាប់ជម្រើសជាតិ ហេង វុទ្ធី ថាគ្មានកន្លែងណាល្អ និងផ្ដល់ភាពកក់ក្កៅដូចប្រទេសកម្ពុជាខ្លួនឯងទេ ដូច្នេះបើអាចខំប្រឹងប្រែងធ្វើការ ឬហ្វឹកហាត់ទៅអ្វីៗនឹងប្រសើរឡើងចំពោះជីវភាពរស់នៅប្រចាំថ្ងៃរួមទាំងផ្លូវចិត្តផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ហេង វុទ្ធី

ជើងខ្លាំងខាងផ្នែកកីឡាចំបាប់កីឡាករ ហេង វុទ្ធី បានឲ្យដឹងថា រូបគេក៏ធ្លាប់ជាពលករចំណាក់ស្រុកទៅប្រទេសសៀមផងដែរកាលពីអំឡុងឆ្នាំ២០១១-២០១២ មកម្ល៉េះ។ ដោយសារការគិតខ្លីមិនស្ដាប់សម្ដីឪពុកម្ដាយក៏រូបគេសម្រេចចិត្តឈប់ពីការរៀនសូត្រ និងធ្វើដំណើរទៅប្រទេសថៃដើម្បីរកការងារធ្វើ។

ហេង វុទ្ធី កំពុងប្រកួតកន្លងទៅ

ម្ចាស់មេដាយប្រាក់នៅសហរដ្ឋអាមេរិកខាងលើបន្ថែមទៀតថា រូបគេខកខ្លួនចំពោះការទៅធ្វើការងារនៅឯប្រទេសថៃអំឡុងពេលនោះជាខ្លាំង។ ជនជាតិថៃ ឬថៅកែថៃនេះមិនឲ្យតម្លៃចំពោះកម្មករពិសេសជនជាតិខ្មែរតែម្ដង ពោលធ្វើបាបកម្មករគ្រប់បែបយ៉ាង ផ្ដល់ប្រាក់ឈ្មួលតិចតួច និងតែងតែយកលេសបង្កររឿងនៅពេលត្រូវបើកប្រាក់ខែជាដើម។ រូបគេរសាត់អណ្ដែតពីកន្លែងមួយទៅកន្លែងមួយ និងមានការខំប្រឹងប្រែងជាខ្លាំង ប៉ុន្តែការលៈបង់ទាំងនេះមិនសមនិងតម្លៃ និងមិនសូវទទួលបានប្រាក់ចំណូលច្រើននោះឡើយ។ ដូច្នេះហើយរូបគេបានវិលត្រឡប់មកកម្ពុជាវិញ និងបានប្ដេជ្ញាចិត្តថានឹងខំប្រឹងប្រែងធ្វើការ ឬហ្វឹកហាត់ឲ្យដូចទៅហ្នឹងអំឡុងពេលនៅប្រទេសថៃនោះជឿជាក់ថានឹងមានជីវភាពសមរម្យជាមិនខាន។

កីឡាករ ហេង វុទ្ធី ជាប់លេខ១

បញ្ជាក់ដែរថា កីឡាករ ហេង វុទ្ធី ជាកីឡាករជើងខ្លាំងមួយរូបប្រចាំសហព័ន្ធកីឡាចំបាប់កម្ពុជា និងធ្លាប់ឈ្នះមេដាយស៊ីហ្គេម ២លើក ឈ្នះមេដាយ World Police ជាច្រើនដងពិសេសឆ្នាំ២០២៥ នេះនៅសហរដ្ឋអាមេរិក។ រូបគេធ្លាប់ជាកម្មករនៅប្រទេសថៃរយៈពេលប្រហែលជិតមួយឆ្នាំផងដែរ។ បច្ចុប្បន្ននេះរូបគេជាកីឡាករជម្រើសជាតិកម្ពុជា និងកំពុងសម្រុកហ្វឹកហាត់ត្រៀមចេញប្រកួតអន្តរជាតិឆាប់ៗនេះ។ រូបគេក៏ជាមន្ត្រីកីឡាក្រសួងមហាផ្ទៃផងដែរ៕