កីឡា

១៦ ប្រភេទកីឡាទទួលបានថវិកាលើកទឹកចិត្តពីរាជរដ្ឋាភិបាលចំនួន ៥,៩០៣,៤០០,០០០ រៀល បន្ទាប់ពីឈ្នះមេដាយអន្តរជាតិ

បានផុស

១ ខែ មុន

នៅ

ថ្ងៃសុក្រ ១០ មេសា ២០២៦

ដោយ

ព្រឹកថ្ងៃទី១០ ខែមេសា ឆ្នាំ២០២៦ នេះលោក ហង់ជួន ណារ៉ុន តំណាងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានប្រគល់ថវិកាលើកទឹកចិត្តពីរដ្ឋាភិបាល សរុប ៥,៩០៣,៤០០,០០០រៀល ដល់ ១៦ប្រភេទកីឡាដែលដណ្ដើមបានមេដាយលើឆាកអន្តរជាតិកន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហង់ជួន ណារ៉ុន

លោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានលើកឡើងថា តាងនាមសម្ដេចបវរធិបតី សូមអបអរសារទរ កោតសរសើរ និងវាយតម្លៃខ្ពស់ចំពោះកិច្ចខំប្រឹងប្រែងរបស់ថ្នាក់ដឹកនាំក្រសួង ប្រធានសហព័ន្ធ គ្រូបង្វឹក កីឡាករ កីឡាការិនីទាំងអស់ដែលរួមកម្លាំងគ្នាប្រកបដោយស្មារតីទទួលខុសត្រូវខ្ពស់ និងការប្ដេជ្ញាចិត្តរហូតទទួលបានជ័យជម្នះ សមិទ្ធិផលគួរជាទីសាទរជូនជាតិមាតុភូមិកន្លងទៅនេះ។

ក្រុមអត្តពលិកកម្ពុជាពេលទទួលប្រាក់រង្វាន់

រាជរដ្ឋាភិបាល បាននិងកំពុងយកចិត្តទុកដាក់យ៉ាងខ្លាំងលើវិស័យអប់រំ យុវជន និងកីឡា ជាពិសេសតាមរយៈការជំរុញលើកទឹកចិត្ត និងគាំទ្រគ្រប់រូបភាពដើម្បីធ្វើយ៉ាងណាឲ្យុវិស័យនេះមានការរីកចម្រើន មានសន្ទុះ និងការរក្សាបាននូវសុខភាពល្អ។ វិស័យកីឡាមានការរីកចម្រើនគួរឲ្យគត់សម្គាល់ និងបានដើរតួនាទីយ៉ាងសំខាន់នៅក្នុងសង្គមកម្ពុជា។ កីឡាទទួលបាននូវការចាប់អារម្មណ៍ និងគាំទ្រពីសំណាក់មហាជនគ្រប់ស្រទាបវណ្ណៈ និងមានកំណើន នៃការហ្វឹកហាត់យ៉ាងផុលផុសផងដែរ។

ក្រុមអត្តពលិកកម្ពុជាពេលទទួលប្រាក់រង្វាន់

បញ្ជាក់ដែរថា ១៦ប្រភេទកីឡាដែលទទួលបានថវិកាលើកទឹកចិត្តពីរាជរដ្ឋាភិបាលនោះរួមមាន ទូកកានូ ចំបាប់ ហែលទឹកពាក់ជើងទា ឃីកបុកស៊ីង ប៉េងតង់ ប្រដាល់សកល វ៉ូវីណាម ជឺជីតស៊ូ កាយវប្បកម្ម បញ្ចស៊ីឡាត់ E-Sports ការ៉ាតេ តេក្វាន់ដូ ITF តេក្វាន់ដូ WT និង បាល់បោះជនពិការ។ មេដាយដែលឈ្នះលើ ១៦ប្រភេទកីឡានេះរួមមាន មេដាយមាស ៧៩ មេដាយប្រាក់ ៩៨ មេដាយសំរឹទ្ធ ១០៨គ្រឿង និងសរុបទាំងអស់ ២៨៥គ្រឿង។ ថវិការលើកទឹកចិត្តសរុប ៥,៩០៣,៤០០,០០០រៀល ប្រគល់ជូនទៅគ្រូបង្វឹក គ្រូជំនួយ កីឡាករ កីឡាការិនីមានចំនួន ៨៩នាក់។ ពិធីប្រគល់ថវិកាលើកទឹកចិត្តនេះធ្វើឡើងនៅមជ្ឈមណ្ឌលជាតិហ្វឹកហ្វឺនកីឡាក្រោមអធិបតីភាពលោក ហង់ជួន ណារ៉ូន៕