កីឡា

សង្រ្កាន្តឆ្នាំថ្មីនៅរាជធានីភ្នំពេញឆ្នាំនេះ ក្រុមគុនល្បុក្កតោប្រហែល ១០០នាក់នឹងសម្ដែងជូនមហាជនទស្សនា

បានផុស

៣ ខែ មុន

នៅ

ថ្ងៃសុក្រ ១០ មេសា ២០២៦

ដោយ

នគរសង្ក្រាន្តឆ្នាំថ្មីដែលនឹងធ្វើនៅរាជធានីភ្នំពេញឆ្នាំនេះសហព័ន្ធគុនល្បក្កតោ និងរៀបចំការឈុតសម្ដែងពិសេសៗជាច្រើន និងមានកីឡាករ កីឡាការិនីសរុបប្រហែល ១០០នាក់ឯណោះបែងចែកតាមទីតាំងកំណត់ដើម្បីផ្សព្វផ្សាយជូនភ្ញៀវជាតិ និងអន្តរជាតិទស្សនាកម្សាន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ូ តារា

លោក អ៊ូ តារា អគ្គលេខាធិការសហព័ន្ធកីឡាគុនល្បុក្កតោកម្ពុជា បានឲ្យដឹងថា នៅឆ្នាំនេះសហព័ន្ធគ្រោងនឹងសម្ដែងនៅទីតាំងអចិន្ត្រៃយ៍ធំមួយក្នុងភូមិវប្បធម៌ និងមានក្រុមមួយចំនួនទៀតដាក់ពង្រាយតាមបណ្ដោយផ្លូវ Walk Street ផងដែរ។ កម្លាំងដែលនឹងត្រូវចូលរួមរៀបចំ និងសម្ដែងនេះមានប្រហែល ១០០នាក់ឯណោះ។

ទិដ្ឋភាពសម្ដែងកន្លងទៅ

តំណាងសហព័ន្ធខាងលើបន្ថែមទៀតថា ការសម្ដែងនៅក្នុងសង្ក្រាន្តនេះគឺមានច្រើនទម្រង់ យុទ្ធគុនចម្រុះ ក្បាច់ស្នៀតប្រយុទ្ធផ្សេង និងស្នៀតដំបង ដាវ និងមានជាក្បូនដង្ហែរទ័ពដែលមានលក្ខណៈប្លែកភ្នែក និងជាទីចាប់អារម្មណ៍ជាច្រើនផងដែរ។ នេះជាការសម្ដែងមួយដើម្បីបង្ហាញជូនទស្សនាផង និងផ្សព្វផ្សាយពីសក្ដានុពលនៃក្បាច់គុនបុរាណខ្មែរដល់ភ្ញៀវជាតិ-អន្តរជាតិបានដឹងបានស្គាល់ផងដែរ។

ទិដ្ឋភាពសម្ដែងកន្លងទៅ

បញ្ជាក់ដែរថា ព្រឹត្តិការណ៍នគរសង្ក្រាន្តឆ្នាំថ្មីនេះនឹងធ្វើឡើងនៅរាជធានីភ្នំពេញ ចាប់ពីថ្ងៃទី១៤ ដល់ ១៩ ខែមេសា ឆ្នាំ២០២៦ ខាងមុខនេះ។ ក្នុងពិធីនេះដែរនឹងមានការសម្តែងទម្រង់សិល្បៈបុរាណខ្មែរជាច្រើនទម្រង់ដូចជា របាំបុរាណ របាំប្រពៃណី ល្ខោនខោល ល្ខោនយីកេ ល្ខោនបាសាក់ ល្ខោនអាប៉េ សិល្បៈសៀក និងកីឡាអុកចត្រង្គ គុនល្បុក្កតោជាដើម៕