ព័ត៌មានអន្ដរជាតិ

អ៊ីរ៉ង់ដាក់ការទាមទារឲ្យអន្តរជាតិបញ្ចេញទ្រព្យអ៊ីរ៉ង់តម្លៃ១២០ពាន់លានដុល្លារ ខណៈជំនួបទល់មុខនៃភាគីជម្លោះមិនទាន់កើតឡើងនៅឡើយ

បានផុស

២ សប្តាហ៍ មុន

នៅ

ថ្ងៃសៅរ៍ ១១ មេសា ២០២៦

ដោយ

រហូតមកយប់ថ្ងៃសៅរ៍នេះ (ម៉ោងនៅកម្ពុជា) ត្រូវនឹងពេលរសៀលម៉ោងនៅទីក្រុងអ៊ីស្លាមម៉ាបាដ ប្រទេសប៉ាគីស្ថាន ជំនួបផ្ទាល់មុខរវាងគណៈប្រតិភូអ៊ីរ៉ង់និងសហរដ្ឋអាមេរិក មិនទាន់កើតឡើងនៅឡើយទេ ក្រោមការសម្របសម្រួលរបស់ប្រមុខរដ្ឋាភិបាលប៉ាគីស្ថាន ខណៈវេលាព្រឹក គណៈប្រតិភូនៃប្រទេសជម្លោះបានជួបភាគីប៉ាគីស្ថានដាច់ដោយឡែកពីគ្នា។

លោក Shehbaz Sharif ក្នុងជំនួបទ្វេភាគីជាមួយ ប្រធានសភាអ៊ីរ៉ង់ លោក Mohammad Bagher Qalibaf។ RT

ខណៈការចរចាទល់មុខ អាចនឹងប្រព្រឹត្តទៅនៅពេលរសៀល ឬក៏អាចលើកទៅថ្ងៃអាទិត្យ ឬក៏អាចបញ្ចប់ការជួបប្រជុំទល់មុខដោយសារតែលក្ខខណ្ឌនៃការទាមទារមិនត្រូវគ្នានោះ យោងសេចក្តីរាយការណ៍របស់ BBC ភាគីអ៊ីរ៉ង់កំពុងដាក់ការទាមទារឲ្យសហរដ្ឋអាមេរិកលើកលែងទណ្ឌកម្មដែលបង្កកសាច់ប្រាក់អ៊ីរ៉ង់ជាច្រើនទសវត្សរ៍មកហើយ។

BBC បានរាយការណ៍ថា របបអ៊ីស្លាមដែលគ្រប់គ្រងអ៊ីរ៉ង់សព្វថ្ងៃនេះ បានរងទុក្ខដោយទណ្ឌកម្មអន្តរជាតិអស់រយៈពេលជាច្រើនទសវត្សរ៍មកហើយ។ ក្នុងពេលនៃការចរចានេះ អ៊ីរ៉ង់កំពុងទាមទារឱ្យមានការលុបចោលទណ្ឌកម្មទាំងអស់របស់សហរដ្ឋអាមេរិក និងអន្តរជាតិ ដែលជាផ្នែកមួយនៃកិច្ចព្រមព្រៀងណាមួយ។

នៅថ្ងៃសុក្រ ប្រធានសភា លោក Mohammad Bagher Qalibaf បាននិយាយថា ទ្រព្យសម្បត្តិអ៊ីរ៉ង់ដែលបង្កកប្រមាណ ១២០ ពាន់លានដុល្លារ (៨៩ ពាន់លានផោន) ត្រូវតែត្រូវបានលើកលែងមុនពេលការចរចាចាប់ផ្តើម។

លោកបាននិយាយថា នេះគឺជាវិធានការមួយក្នុងចំណោមវិធានការពីរដែលបានព្រមព្រៀងគ្នាពីមុន (មួយទៀតគឺបទឈប់បាញ់នៅលីបង់)។

ប៉ុន្តែសេចក្តីថ្លែងការណ៍ថ្ងៃទី ៧ ខែមេសា ពីនាយករដ្ឋមន្ត្រីប៉ាគីស្ថាន លោក Shehbaz Sharif ដែលប្រកាសពីបទឈប់បាញ់រយៈពេលពីរសប្តាហ៍ មិនបាននិយាយអ្វីទាំងអស់អំពីការលើកលែងទ្រព្យសម្បត្តិដែលបង្កកនោះទេ។ វាមិនច្បាស់ទេថាកិច្ចព្រមព្រៀងអ្វីដែល លោក Qalibaf សំដៅទៅលើនោះទេ។

មានការសន្និដ្ឋានថា វាហាក់ដូចជាមិនទំនងទេ ដែលរដ្ឋបាលរបស់ប្រធានាធិបតី ត្រាំ មានសមានចិត្តក្នុងការធ្វើសម្បទានដ៏សំខាន់បែបនេះ ដើម្បីចាប់ផ្តើមការចរចាជាមួយអ៊ីរ៉ង់ ដើម្បីឈានទៅបញ្ចប់សង្គ្រាមដែលមានរយៈពេលជាង៦សប្តាហ៍។