កីឡា

លោក កាន់ យុទ្ធ ត្បិតក្រុមស្នងការព្រះសីហនុបរាជ័យផ្ដួនៗមែន ប៉ុន្តែជាឱកាសកីឡាករក្មេងៗដកស្រង់បទពិសោធពីក្រុមធំៗ

បានផុស

២ ខែ មុន

នៅ

ថ្ងៃសុក្រ ២២ ឧសភា ២០២៦

ដោយ

គ្រូបង្វឹករបស់ក្រុមបាល់ទះស្នងការខេត្តព្រះសីហនុ ថាបើទោះជាក្រុមរងបរាជ័យផ្ដួនៗមែន ប៉ុន្តែក៏ជាឱកាសល្អសម្រាប់កីឡាករក្មេងៗក្នុងក្រុមបានដកស្រង់បទពិសោធពីក្រុមធំៗ និងស្វែងរកនូវអ្វីដែលថ្មីសម្រាប់ខ្លួនដើម្បីបន្តអភិវឌ្ឍន៍តទៅមុខទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កាន់ យុទ្ធ

លោក កាន់ យុទ្ធ បានឲ្យដឹងថា កីឡាករក្នុងក្រុមស្នងការខេត្តព្រះសីហនុរបស់លោកភាគច្រើនជាកីឡាករក្មេងៗ និងថ្មីដែលទើបបានចូលរួមការប្រកួតតេជោលីគ ឆ្នាំ២០២៦ នេះ។ ក្រុមរបស់លោកនៅមានចំណុចខ្វះខាតច្រើនដែលត្រូវបន្តខំប្រឹងប្រែងបន្ថែមទៀត។

គ្រូបង្វឹករូបនេះបន្ថែមទៀតថា បើមើលពីលទ្ធផលគឺចាញ់ផ្ដួនៗមែន ប៉ុន្តែជាឱកាសល្អសម្រាប់កីឡាករក្មេងៗក្នុងក្រុមដកស្រង់យកបទពិសោធពីក្រុមធំៗដែលបានចូលរួមផង និងស្វែងរកនូវចំណុចល្អថ្មីៗសម្រាប់ខ្លួនឯងដើម្បីយកទៅអភិវឌ្ឍន៍បន្តឆ្ពោះទៅថ្ងៃអនាគត។ ដោយសារតែជាក្រុមថ្មីកីឡាករមិនសូវមានបទពិសោធ ដូច្នេះមានតែខំប្រឹងប្រែងបន្តទៅទៀតប៉ុណ្ណោះ។

ក្រុមបាល់ទះស្នងការខេត្តព្រះសីហនុ

បញ្ជាក់ដែរថា ក្រុមបាល់ទះស្នងការខេត្តព្រះសីហនុជាក្រុមថ្មីទើបតែបានឡើងមកលេងតេជោលីគ ឆ្នាំ២០២៦ នេះបន្ទាប់ពីធ្វើបានល្អជាប់ចំណាត់ថ្នាក់ដែលត្រូវបានជ្រើសរើសពីពានសម្ដេចក្រឡាហោមដែលទើបបញ្ចប់ទៅ។ ឆ្លងកាត់ ៤ប្រកួតនៅជុំទី១ នេះស្នងការខេត្តព្រះសីហនុ ចាញ់ទាំង ៤ប្រកួត និងមិនទាន់មានពិន្ទុនៅឡើយទេ៕