កូវីដ-១៩

នាយកដ្ឋានប្រយុទ្ធជំងឺឆ្លងបញ្ជាក់ថាវ៉ាក់សាំងកូវីដ១៩នៅតែមានប្រសិទ្ធភាពទប់ទល់នឹងកូវីដបំប្លែងថ្មី

បានផុស

២ ខែ មុន

នៅ

ថ្ងៃសៅរ៍ ២៣ ឧសភា ២០២៦

ដោយ

នាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលកម្ពុជា បានបញ្ជាក់ថាវ៉ាក់សាំងកូវីដ១៩ដែលបានចាក់ពីកន្លងទៅនៅតែមានប្រសិទ្ធភាពទប់ទល់នឹងកូវីដបំប្លែងថ្មី NB.1.8.1 ឬNimbus ហើយហានិភ័យសុខភាពសាធារណៈទូទៅត្រូវបានវាយតម្លៃថាទាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋានប្រយុទ្ធនឹងជំងឺឆ្លងបានបង្ហោះលើហ្វេសបុកផេកផ្លូវការនៅរសៀលថ្ងៃទី២៣ ខែឧសភានេះថា «មិនមានភស្ភុតាង»បង្ហាញថាមេរោគកូវីដបំប្លែងថ្មីនេះមានភាពធ្ងន់ធ្ងរកើនឡើងទេ។ រោគសញ្ញានៃវីរុសបំប្លែងថ្មីនេះមានលក្ខណៈធម្មតាដូចជាគ្រុនក្ដៅ ក្អក ឈឺបំពង់ក ហៀរសំបោរ អស់កម្លាំង។

នាយកដ្ឋានបានសរសេរបញ្ជាក់ថា៖ «ករណីភាគច្រើនមានលក្ខណៈស្រាល។ វ៉ាក់សាំង Covid-19 នៅតែមានប្រសិទ្ធភាពបង្ហារជំងឺធ្ងន់ធ្ងរ។ ហានិភ័យសុខភាពសាធារណៈទូទៅត្រូវបានវាយតម្លៃថាទាប»។

បើតាម CDC មេរោគកូវីដបំប្លែងថ្មី NB.1.8.1 ឬNimbus នេះគឺជាវីរុសរងនៃ Omicron SARS-CoV-2 ជាប្រភេទវីរុសក្រោមការត្រួតពិនិត្យចាត់ថ្នាក់ដោយអង្គការសុខភាពពិភពលោកកាលពីខែឧសភា ឆ្នាំ២០២៥មកម្លេះ។

ការភ្ជាក់ផ្អើលនៃការឆ្លងកូវីដ១៩បំប្លែងថ្មីកំពុងកើតឡើងនៅប្រទេសសឹង្ហបុរី ដែលមានមនុស្សជិត ១៣ ០០០នាក់បានឆ្លងក្នុងរយៈពេលមួយសប្ដាហ៍ប៉ុណ្ណោះ។ យ៉ាងណាក្ដីអាជ្ញាធរសុខាភិបាលសិង្ហបុរី បានច្រានចោលភាពធ្ងន់ធ្ងរ នៃការរីករាលដាលនេះ ហើយប្រកាសឲ្យពលរដ្ឋ កុំភ័យស្លន់ស្លោ ព្រោះស្ថានការណ៍ ស្ថិតក្រោមការគ្រប់គ្រងបានយ៉ាងល្អប្រសើរ៕