ព័ត៌មានជាតិ

បុរសម្នាក់ ប្រុងលោតសម្លាប់ខ្លួន ពីលើដើមឈើក្នុងបរិវេណវត្តភ្នំ

បានផុស

៥ years មុន

នៅ

ថ្ងៃព្រហស្បតិ៍ ១២ វិច្ឆិកា ២០២០

ដោយ

មានភាពភ្ញាក់ផ្អើលមួយ បានកើតឡើងបន្ទាប់ពីគេឃើញបុរសម្នាក់ បានឡើងលើដើមឈើបរិវេណវត្តភ្នំប៉ុនប៉ងសម្លាប់ខ្លួន ដោយស្រែកថា ពិបាកចិត្តណាស់ប្រពន្ធរត់ចោល។ ហេតុការណ៍នេះ បានកើតឡើងកាលពីវេលាម៉ោង ៨ និង ១០ នាទីព្រឹក ថ្ងៃទី១២ ខែវិច្ឆិកា ឆ្នាំ២០២០ នៅបរិវេណវត្តភ្នំខាងលិចនាឡិកា ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានពីប្រជាពលរដ្ឋ ដែលឃើញហេតុការណ៍នោះ បានឲ្យដឹងថា នៅមុនពេលកើតហេតុគេ ឃើញបុរសម្នាក់ ដែលគេមិនស្គាល់អត្តសញ្ញាណ បានដើរចុះឡើងរួចក៏ចូលទៅក្នុងបរិវេណវត្តភ្នំ ហើយក៏ឡើងលើដើមឈើ ដែលមានកម្ពស់ប្រហែលជា ៧ ទៅ៨ ម៉ែត្រប៉ុនប៉ងលោតសម្លាប់ខ្លួន ដោយស្រែកថា ពិបាកចិត្តខ្លាំងណាស់ប្រពន្ធរត់ចោល ប៉ុន្តែការប៉ុនប៉ងសម្លាប់ខ្លួននោះដែរ ត្រូវបានកម្លាំងសមត្ថកិច្ចរួមទាំងកម្លាំងប្រជាការពារខណ្ឌដូនពេញទៅលួងលោមទាន់ពែលវេលា។ ករណីនេះ សមត្ថកិច្ចបានប្រើពេលវេលាអស់ជាងមួយម៉ោងទៅហើយ ប៉ុន្តែបុរសរូបនោះ នៅតែមិនទាន់ចុះមកក្រោមនៅឡើយទេ ដោយនៅលើដើមឈើដដែលដោយស្រែកថា ពិបាកចិត្តខ្លាំងណាស់ប្រពន្ធរត់ចោល។

បើតាមការឲ្យដឹងពីសមត្ថកិច្ចមូលដ្ឋាន បានឲ្យដឹងថា បុរសដែលប៉ុនប៉ងលោតសម្លាប់ខ្លួនលើដើមឈើនោះ ប្រហែលជាជនអនាថាទេ មិនមែនជាអ្នកធ្វើការអ្វីឡើយម្យ៉ាងវិញទៀតប្រហែលជាគាត់បែកថ្នាំផង បានជាឡើងលើចុងឈើប៉ុនប៉ងសម្លាប់ខ្លួន បង្កការភ្ញាក់ផ្អើលដូច្នេះតែម្តង។ តែទោះយ៉ាងណាក៏ដោយ អាជ្ញាធរមូលដ្ឋាននិងព្យាយាមលួងលោមឲ្យបុរសរូបនោះឲ្យចុះមកក្រោមវិញ ដើម្បីបញ្ចៀសការប៉ុនប៉ងសម្លាប់ខ្លួនឲ្យទាល់តែបាន៕

អត្ថបទ៖ រស្មី

សូមចុចអាន៖ មណ្ឌលកម្សាន្តជាង៤០កន្លែងនៅក្រុងសៀមរាប បានផ្អាកអាជីវកម្មជាបណ្តោះអាសន្ន

Related Topics:សម្លាប់ខ្លួន