ជីវិតកម្សាន្ដ

ពិធីការិនី ហ៊ិន ច័ន្ទនីរ័ត្ន នៅតែបារម្ភមិនហ៊ានចេញក្រៅផ្ទះ

បានផុស

៥ years មុន

នៅ

ថ្ងៃពុធ ៥ ឧសភា ២០២១

ដោយ

ពិធីការិនីរូបស្រស់ ហ៊ិន ច័ន្ទនីរ័ត្ន នៅតែបង្ហាញក្តីព្រួយបារម្ភ បើទោះបីជាមានការសម្រេចបញ្ចប់ការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាល ដោយចាប់អនុវត្តពីថ្ងៃទី០៦ ខែឧសភា ខណ:តំបន់ប្រឈមខ្លាំងមួយចំនួនអាចនៅបន្តបិទខ្ទប់។

ការបង្ហាញក្តីបារម្ភរបស់ពិធីការិនីស្រីកញ្ញា ហ៊ិន ច័ន្ទនីរ័ត្ន នេះដោយសង្កេតឃើញថា ករណីនៃការឆ្លងជំងឺកូវីដ-១៩បច្ចុប្បន្ននៅតែមានចំនួនច្រើនដោយមិនទាន់មានភាពធូរស្រាល ឬថមថយវិញឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ហ៊ិន ច័ន្ទនីរ័ត្ន បានលើកឡើងខ្លឹមសារខ្លីរបស់ខ្លួនថា ឆ្លងច្រើនអញ្ចឹងបើកវិញក៏មិនហ៊ានទៅ ក្រៅដែរ ខ្លាចណាស់។ តាមរយ:នេះដែរក៏មានការលើកឡើង និងអំពាវនាវឲ្យមហាជនប្រុងប្រយ័ត្នហើយអនុវត្តតាមការណែនាំ ៣កុំ ៣ការពារផងដែរ ខ្លះទៀយនិយាយថា ដំណាក់កាលនេះមានតែនៅផ្ទះទេទើបឈ្នះកូវីដចង្រៃ។

សូមបញ្ជាក់ថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី០៣ ខែឧសភា ឆ្នាំ២០២១បានសម្រេចបិទបញ្ចប់ការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាល ដោយចាប់អនុវត្តពីថ្ងៃទី០៦ ខែឧសភា ប៉ុន្តែតំបន់ប្រឈមខ្លាំងមួយចំនួនអាចនៅបន្តបិទខ្ទប់។

ការសម្រេចបិទបញ្ចប់ការបិទខ្ទប់ (Lockdown) នេះបានអនុញ្ញាតឱ្យពលរដ្ឋទូទៅអាចចេញចូល -ឆ្លងកាត់រាជធានីភ្នំពេញនិងក្រុងតាខ្មៅបាន ប៉ុន្តែទោះជាយ៉ាងនេះក្តី រាជរដ្ឋាភិបាលអនុញ្ញាតបន្តឱ្យអនុវត្តវិធានការដដែលចំពោះតំបន់ទាំង៣ ជាពិសេស តំបន់លឿងទុំ និងតំបន់ក្រហម៕

អត្ថបទ ៖ ចាន់រ៉ា