​តម្លៃមាស​កើន​ឡើង​ជាង ៥ ​ពាន់ដុល្លារ​ មួយតម្លឹង​

តម្លៃ​ហាងឆេង​មាស​បន្តកើនឡើងដល់ ​៥០៤០ ​ដុល្លារ ក្នុងមួយតម្លឹង ​នៅព្រឹកថ្ងៃចន្ទទី ០៦ កក្កដា ២០២៦​នេះ ពាក់ព័ន្ធ​នឹង​អត្រាការងារនៅសហរដ្ឋអាមេរិក ​និង​ការបញ្ជាទិញ​មាសពីអ្នកវិនិយោគ។​​

​លោក ឡុង សំណាង ​​នាយក​អភិវឌ្ឍ​អាជីវកម្ម​នៃ​ក្រុមហ៊ុន ​PP Link securities ​មានប្រសាសន៍ថា ​ការ​ហក់​ឡើង​នៃ​តម្លៃ​ហាង​ឆេង​មាស ​គឺជា​និន្នាការ​មួយ​បន្ទាប់​ពី​ការ​ធ្លាក់​ចុះ ​រយៈពេល​ជាង​មួយ​ខែ​។​

​មាស​បាន​ហក់ឡើងកាលពីសប្ដាហ៍មុន ​បន្ទាប់​ពី​អត្រាការងារមានកម្រិតទាបជាងការរំពឹងទុក ដែល​ធនា​គារកណ្ដាលអាមេរិក​ទំនងនឹងមិន​ដំឡើង​អត្រាកាប្រាក់ ​ខណៈប្រាក់ដុល្លារ​អាមេរិកធ្លាក់​ចុះរយៈ​ពេល​ខ្លី។ ​

​អាជីវករផ្សារលក់មាស ​អ្នកស្រី ​ហ៊ង ​រីណា ​បានប្រាប់ឱ្យដឹងថា ​តម្លៃមាស​កើនឡើងវិញបន្តិច ​បន្ទាប់ពពីធ្លាក់ចុះច្រើនថ្ងៃជាប់ៗគ្នា។ ​អ្នកស្រីបន្ថែមថា ​មួយរយៈកន្លងមកនេះ ​មិនសូវមាន​អតិថិជន​មកលក់មាសនោះទេ ​ដោយសារមាសធ្លាក់ចុះ។​

​គិតត្រឹមម៉ោង​ ៩ ​ព្រឹកចន្ទនេះ​ នៅតាមបណ្ដាហាងនានាក្នុងរាជធានីភ្នំពេញ លក់ចេញ ៥០៥ ដុល្លារ ក្នុងមួយជី៕​