កីឡា

លោក ហែមថុន ពន្លឺ សរសើរចំពោះការលៈបង់ និងការខំប្រឹងហ្វឹកហាត់របស់ក្រុមហែលទឹកពាក់ជើងទាត្រៀមប្រជែងមេដាយនៅម៉ាឡេស៊ី

បានផុស

៥៥ នាទី មុន

នៅ

ថ្ងៃពុធ ៨ កក្កដា ២០២៦

ដោយ

លោក ហែមថុន ពន្លឺ ថាលោកពិតជាសរសើរចំពោះកីឡាករ កីឡាការិនីហែលទាំងអស់ដែលបានលៈបង់ និងការខិតខំប្រឹងប្រែងលើការហ្វឹកហាត់ដើម្បីត្រៀមខ្លួនឲ្យបានកាន់តែល្អឆ្ពោះទៅការប្រកួតជ្រើសរើសជើងឯកកីឡាហែលទឹកពាក់ជើងទាអាស៊ីអាគ្នេយ៍ លើកទី៣ ឯប្រទេសម៉ាឡេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពហ្វឹកហាត់

គ្រូបង្វឹកកីឡាហែលទឹកពាក់ជើងទា លោក ហែមថុន ពន្លឺ បានឲ្យដឹងថា ចំពោះហ្វឹកហាត់របស់ក្រុមជម្រើសជាតិហែលទឹកពាក់ជើងទានេះគឹបានប្រមូលផ្ដុំ និងហាត់ជាច្រើនខែមកហើយដោយគ្រាន់តែមិនសូវសម្រុកខ្លាំងប៉ុណ្ណោះ។ យ៉ាងណានៅពេលនេះកៀកដល់ខែប្រកួតហើយ ដូច្នេះកម្មវិធីហ្វឹកហាត់ធ្ងន់ៗ និងវេលាហ្វឹកហាត់កាន់តែសម្រុកខ្លាំងហើយ។

លោក ហែមថុន ពន្លឺ និងសិស្ស

លោក ហែមថុន ពន្លឺ បន្ថែមទៀតថា បើនិយាយពីទឹកចិត្តរបស់កីឡាករ កីឡាការិនីគឺមានធំធេងណាស់ចំពោះកីឡាហែលទឹកពាក់ជើងទានេះ។ កីឡាហែលទឹកពាក់ជើងទានេះចូលមកកម្ពុជាអំឡុងឆ្នាំ២០២២ ប៉ុណ្ណោះ ដូច្នេះវាថ្មីសម្រាប់កីឡាករ។ បើប្រៀមជាមួយបណ្ដាប្រទេសជិតខាងគឺកម្ពុជានៅដើរក្រោយគេ ដូច្នេះកីឡាករ កីឡាការិនីមានការខំប្រឹងហ្វឹកហាត់ខ្លាំងបើទោះជាត្រូវហាត់ខ្លាំង មានរបួសនៅពេលពាក់ឧបករណ៍ហ្វឹកហាត់ច្រើនដង និងមានចំណាយថវិកាខ្លួនឯងលើការទិញសម្ភារហ្វឹកហាត់ទៀតក្ដី។ ការលៈបង់ទាំងនេះគឺម្នាក់ៗចង់សម្រេចក្ដីបំណងឈ្នះមេដាយជូនជាតិក្នុងព្រឹត្តិការណ៍ជើងឯកអាស៊ីអាគ្នេយ៍ លើកទី៣ ឯប្រទេសម៉ាឡេស៊ី។

សកម្មភាពហ្វឹកហាត់

បញ្ជាក់ដែរថា ក្រុមជម្រើសជាតិកីឡាហែលទឹកពាក់ជើងទានឹងត្រូវទៅចូលរួមការប្រកួតជ្រើសរើសជើងឯកអាស៊ីអាគ្នេយ៍ លើកទី៣ ដែលនឹងធ្វើឡើងនៅឯប្រទេសម៉ាឡេស៊ី អំឡុងខែតុលា ឆ្នាំ២០២៦ ឆាប់ៗខាងមុខនេះ។ បច្ចុប្បន្នក្រុមជម្រើសជាតិហែលទឹកពាក់ជើងទាកំពុងសម្រុកហ្វឹកហាត់នៅអាងទឹកក្នុងពហុកីឡដ្ឋានជាតិ៕